Iraqi President Jalal Talabani (C) arrives in the Kurdish city of Suleimaniyah

گه لاوێژ: ئه‌مڕۆ ئێواره‌ی، سه‌ركۆماری عێراق،جه‌لال تاڵه‌بانی، له‌ كاتی گه‌ڕانه‌وه‌ی بۆ شاری به‌غدا پایته‌ختی عێراق، له‌ لێدوانێكی رۆژنامه‌وانیدا بۆ‌ رۆژنامه‌وانانی راگه‌یاند: په‌كه‌كه‌ ئاگر به‌ستی یه‌ك لایه‌نه‌ راده‌گه‌یه‌نێت.

كاتێك كه سه رۆك كۆماری عێراق له‌ فرۆكه‌خانه‌ی سلێمانی قسه‌ی ده‌كرد وتی: به‌رپرسانی وڵاته یه كگرتوه كانی ئه‌مریكا به‌ به ر پرسانی توركیایان راگه‌یاندوه‌ كه‌ جارێ هێرش نه‌كه‌نه‌ سه‌ر باشووری كورستان و ئێمه‌ش وه‌ك سه‌ركردایه‌تیی سیاسیی كوردستان له‌ گه‌ڵ په‌كه‌كه‌ وتووێژمان كردووه‌ و په‌كه‌كه‌ رازی بووه‌ له سه ر ئه وه كه‌ ئاگر به‌ستی یه‌ك لایه‌نه‌ رابگه‌یه‌نێت.

هه‌روه‌ها مام جه‌لال رایگه‌یاند: كه‌ بڕیاره‌ وایه رۆژی سێ شه‌ممه‌له‌ به‌غدا له‌ گه‌ڵ وه‌زیری ده‌ره‌وه‌ی توركیاعه‌لی باباجان كۆبێته‌وه‌ بۆ گفتگۆكردن سه باره ت به كێشه كانی كه ئێستا له ئاره دانه.

گه لاوێژ:راگه یاندرا كه وا بڕیاره‌ دادگای فیدڕاڵیی وڵاتی ئه‌ڵمانیا، به‌پێی یاسای ئه‌و وڵاته‌ تیرۆریسته كانی كۆماری ئیسلامی و قاتڵانی كاك دكتۆر سادقی شه‌ره‌فكه‌ندیی، سكرتێری حزبی دیموكراتی كوردستانی ئێران و هاورێیانی ئازاد بكات، ئه‌وه‌ له‌ كاتێكدایه‌ كه‌ پێشترداواكرابو له‌ گۆڕینه‌وه‌یان له‌به‌رامبه‌ر زانیارییه‌كانی كۆماری ئیسلامیی سه‌باره‌ت به‌ چاره‌نووسی رۆن ئارادی فڕۆكه‌وانی بێسه‌رو شوێنی ئیسرائیلیدا.
سه‌رۆكی دادگای فیدڕاڵیی ئه‌ڵمانیا فرانك واڵنتا هه‌فته‌ی رابردوو رایگه‌یاند: به‌پێی یاسای ئه‌ڵمانیا ده‌كرێت دوای تێپه‌ربوونی 15 ساڵ‌ به‌سه‌ر حوكمی زیندانی هه‌تاهه‌تایی كازمی دارابیی دا بچینه‌وه‌‌و ئازادی بكه‌ین.
كازمی دارابیی‌و عه‌باس راحیل 10/4/1997 له‌لایه‌ن دادگای فیدڕاڵیی ئه‌ڵمانیاوه‌ به‌ تاوانبارانی پله‌ یه‌كی تیرۆری سه‌ركرده‌كانی حزبی دیموكراتی كوردستانی ئێران له‌ ریستۆرانتی میكۆنوس ناسران‌و به‌ زیندانیی هه‌تاهه‌تایی سزادران، له‌م كرده‌وه‌ تیرۆریستییه‌دا سادقی شه‌ره‌فكه‌ندیی كه‌ دوای تیرۆری دكتۆر عه‌بدولڕه‌حمانی قاسملۆ به‌ سكرتێری كشتی حزبی دیموكراتی كوردستان هه‌ڵبژێردرابوو له‌گه‌ڵ‌ سێ‌كه س له هاوڕێیانی كه‌ به‌ مه‌به‌ستی به‌شداریكردن له‌ كۆنگره‌ی ئه‌نته‌رناسیۆناڵ‌ سۆسیالیستدا سه‌ردانی ئه‌ڵمانیایان كردبوو له‌ كاتی نانخواردن له‌ ریستۆرانتی میكۆنوس كه‌وتنه‌ به‌ر هێرشی تیرۆریستانی كۆماری ئیسلامی و تیرۆركران.

گه لاوێژ:سوپای باسدارانی ئێران رایگه یاند كه توانای سه ربازی ئێران بۆ هاویشتنی 11 هه زار موشه ك له دوای یه ك خوله كه هێرش كردن بۆ سه ر ئێران.

فه رمانده ی هێزی موشه ك هاوێژله سوپای پاسدارانی كۆماری ئیسلامی ئێران،جه نه رال مه حمود شارباغی،رایگه یاند كه ئێمه له توانامان دایه كه له یه ك خوله كدا 11 هه زار موشه ك ئاراسته ی دوژمن بكه ین،به ڵام ناوبراو ئه و بنكه سه ربازیانه ی ده ست نیشان نه كرد كه ده ی كه ن به ئامانجی موشه كه كانیان،هه ر چه ند خۆی پاراست له ناو هێنانی ئه مریكاو ئیسرائیل به دوژمن.

راگه یاندنی مه سئولی سوپای پاسداران له كاتێك دا دێت كه سه رۆكی ئه ركانی هاو به شی ئه مریكا ئه دمیرال ماكیل مولین وتویه تی،ئه مریكا ئه وه نده ی سه رچاوه له به ر ده ست دا هه یه كه به س بێت بۆ ئه نجامدانی هێرشی سه ربازی ئه گه ر پێویست به ئه نجامدانی هه بێت.

گه لاوێژ:جێگری سه‌ركۆماری ئه‌مریكا،دیك چێنی، رۆژی یه‌كشه‌ممه‌ 21ی ئۆكتۆبر، له‌ لێدوانێك دا له‌ ناوه‌ندی لێكۆڵینه‌وه‌ی رۆژهه‌ڵاتی نزیك، له‌ واشنتۆن وتی: "ئێمه‌ رێگه‌ به ئێران ناده‌ین كه‌ چه‌كی ناوكی به‌رهه‌م بێنێت".

دیك چێنی ئێرانی تاوانبار ده كات به‌وه‌ كه‌ له‌ مه‌ڕِ به‌رنامه‌ ناوكییه‌كانی، وتی كه كۆماری ئیسلامی فریوكارانه‌ هه‌ڵسووكه‌وت ده‌كات. وێڕای باس كردن به وه ی كه گه لی ئێران جێگای شانازین‌، هه روه ها وتی: "گه لانی ‌ئێران هه قی ئه وه یان هه یه كه له ده ست ده سه ڵاتی دیكتاتۆری رزگاریان بێت.

به‌ پێی ئه م راپۆرتی كه له هه‌واڵده‌ریی رۆیته‌رز بڵاو كراوه ته وه، جێگری یه‌كه‌می سه‌ركۆماری ئه‌مریكا له‌ لێدوانه‌كه‌ی خۆیدا ،هۆشداری به‌ ئێران دا كه‌ ئه‌گه‌ر مه رجه كانی وڵاتانی رۆژئاوایی بۆ راگرتنی پیتاندنی یۆرانیۆم قه‌بووڵ نه‌كات ئه‌وا له‌ گه‌ڵ رووبه‌ڕوو بونه وه یه كی سه خت به ره و روو ده بێت ده‌بێته‌وه‌.

جێگری سه‌ركۆماری ئه‌مریكا،دیك چێنی له‌باره‌ی ئه‌گه‌ری هێرشی سه‌ربازی ئه مریكا بۆ سه‌ر ئێران هیچ ئاماژه یه كی پێ نه كرد نه‌كرد.

ئه‌و ئێرانی تاوانبار كرد كه‌ ده ستی راسته‌خۆی له‌ كوژرانی سه‌ربازه‌ ئه‌مریكاییه‌كانی هه ر وه ها ئالۆزیه كانی ناو عێراق دا هه‌یه‌، هه‌روه‌ها ئێرانی وه‌ك لایه نێك له قه ڵه م دا له‌ به‌رده‌م ئاشتی رۆژهه‌ڵاتی ناوه‌راست.

جێگری یه‌كه‌می سه‌ركۆماری ئه‌مریكا وتی: پێشكه‌وتنی ئاشتی وئارامی له‌ رۆژهه‌ڵاتی ناوه‌راست دا به سته گی هه یه به‌ چۆنییه‌تی هه‌ڵسوكه‌وتی وڵاتانی ناوچه‌كه‌وه‌.كه بێ گومان كۆماری ئیسلامی مه به ستی لاوازی ئه م پرۆسه یه یه.

جێگای باسه، سه‌ركۆماری ئه‌مریكا، جۆرج بوش،چه‌ند رۆژ له‌مه‌وبه‌ر له‌ كۆنفرانسێك دا له‌ كۆشكی سپی هۆشداری دا به كۆمه‌ڵگای نێو نه‌ته‌وه‌یی بۆ پێشگرتن له‌ ئه‌گه‌ری شه‌ڕی سێهه‌می جیهانی، ده‌بێ پێش به‌ ئێران بگرن له‌ به‌ده‌ستهێنانی زانستی چه‌كی ناوكی.كه له ئه گه ری گه یشتنی به چه كی ناوه كی كۆمه لگای به شه ری ده خاته خه ته ره وه.

گه لاوێژ:وه‌زیری‌ ده‌ره‌وه‌ی‌ ئه‌مریكا كۆندۆلیزا رایس داوا له‌ سه‌رۆك وه‌زیری‌ توركیا ره‌جه‌ب ته‌یب ئه‌ردۆغان ده‌كات چه‌ند رۆژێكی‌ دیكه‌ش دان به‌خۆدابگرن له‌دژی‌ په‌كه‌كه‌و پاشان له‌دژی‌ ئه‌و چه‌كدارانه‌ هه نگاو بهاوێن.

كۆندۆلیزا رایس ،له‌په‌یوه‌ندیییه‌كی‌ ته‌له‌فۆنیدا نیگه‌رانی‌ ئه‌مریكای‌ به‌ توركیا راگه‌یاندووه‌ سه‌باره‌ت به‌ كوژرانی‌ ژماره‌یه‌ك سه‌ربازی‌ توركیاو داوای‌ چه‌ند رۆژێك دان به‌خۆداگرتنیشی‌ له‌ سه رۆك وه زیرانی توركیا ته یب ئه ردۆغان كردووه.

له‌جواب دا ئه‌ردۆغان به‌ رایسی‌ وتووه‌: هه‌نگاونانه‌كانی‌ توركیا له‌ئه‌فغانستان چۆن خێرا بووه‌، با هه‌نگاوه‌كانی‌ ئه‌مریكاش له‌ پشتگیریكردنی‌ توركیادا له‌دژی‌ په‌كه‌كه‌ خێرا بێت، وه‌ك پێویستی‌ هاوكاری‌ ستراتیژی‌ نێوان هه‌ردوو وڵات ، چونكه‌ زۆر دره‌نگ كه‌وتووین .

شایانی باسه كه ئه ردوغان دوینێ داوای كۆبونه وه ی به په له ی له فه رمانده ی سوپای توركیاو وه زیری ئه م وڵاته كردبوو،سه باره ت به چه كدارانی په كه كه كه هه نگاوی به په له بهاوێن.

گه لاوێژ: ئه‌مڕۆ یه كشه ممه 21/10 جه‌لال تاڵه‌بانی سه‌رۆك كۆماری عیراق و مه‌سعود بارزانی سه‌رۆكی هه‌رێمی كوردستان كۆبوونه‌وه‌، له‌و كۆبوونه‌وه‌یه‌باس له دوایین گۆڕانكارییه‌ سیاسییه‌كان و مه‌سه‌له‌ی ئه‌گه‌ری له‌شكركێشی توركیابۆ ناو خاكی هه رێمی كوردستان‌ كرا، دوابه‌دوای كۆبوونه‌وه‌كه كۆنگره‌یه‌كی رۆژنامه‌وانییان بۆ كه‌ناڵه‌كانی راگه‌یاندن سازدا. به رێزان له میانه ی لێدوانه كانیان دا داوای چاره سه ری ئاشتیانه ی بۆ كێشه ی په كه كه و توركیا كرد‌‌‌. هه روه ها سه‌باره‌ت به‌هه‌ڵوێست و كاردانه‌وه‌ی هه‌رێمی كوردستان ئه‌گه‌ری له‌شكركێشی توركیا بۆسه‌ر هه‌رێمی كوردستان مه‌سعود بارزانی رایگه‌یاند: ئێمه‌هیوامان وایه شه‌ڕ نه‌بێت و هه‌ر لایه‌ك بیه‌وێت شه‌ڕه‌كه‌ بێنێته‌ كوردستان ئێمه‌ به‌رگری له‌ خۆمان ده‌كه‌ین و هه‌رگیز چۆكمان بۆ كه‌س دانه‌داوه‌. ههر دووك به رێزان سه رۆك كۆماری عێراق و سه رۆكی هه رێمی كوردستان هیوایان خواست كه كێشه كانیان له رێگای گفتگۆ و دانیشتن چاره سه ر بكه ن و كارێك نه كرێت كه زه ره ری بۆ هه مولایه كمان هه بێت

رۆژی‌ 11ی‌ ئۆكتۆبری‌2007 (19ی‌ ڕه‌زبه‌ری‌ 1386) دادستانیی‌ فیدراڵی‌ ئه‌ڵمان ڕای‌ گه‌یاند كه‌ كازم دارابی‌ تاوانباری‌ سه‌ره‌كیی‌ تیرۆری‌ میكونووس له‌ مانگی‌ دیسامبری‌ ئه‌مساڵ‌ دا له‌ زیندان ئازاد ده‌كرێ‌‌و ڕه‌وانه‌ی‌ ئێران ده‌كرێته‌وه‌.

كازم دارابی‌ ڕێكخه‌ری‌ سه‌ره‌كیی‌ تیرۆری‌ 17ی‌ سێپتامبری‌ 1992ی‌ رێستورانی‌ میكونووسی‌ شاری‌ بێرلینی‌ ئه‌ڵمانه‌ كه‌ له‌و دا دوكتور سادق شه‌ره‌فكه‌ندی‌ سكرتێری‌ گشتیی‌ حیزبی‌ دێموكراتی‌ كوردستان، فه‌تاح عه‌بدولی‌ ئه‌ندامی‌ كومیته‌ی‌ ناوه‌ندی‌‌و نوێنه‌ری‌ حیزب له‌ ئه‌ڵمان‌و نووری‌ دێهكوردی‌ چالاكی‌ سیسیی‌ ئێراینی‌ دۆستی‌ حیزبی‌ دیمۆكرات، به‌ گولله‌ی‌ چه‌ندلوبنانیی‌به‌كرێگیراوی‌ڕێژیمی‌تیرۆریستی‌ئێران، شه‌هید كران. ئه‌م تیرۆریسته‌ له‌ ساڵی‌ 1992 ه‌وه‌ كه‌ ده‌ركه‌وت ده‌ستی‌ له‌ تیرۆری‌ میكونووس دا هه‌یه‌، له‌لایه‌ن پۆلیسی‌ ئه‌ڵمانه‌وه‌ خرایه‌ به‌ند‌و دوای‌ لێكۆڵینه‌وه‌یه‌كی‌ دوور‌و درێژ‌و به‌ربڵاو كه‌ له‌سه‌ر په‌روه‌نده‌ی‌ تیرۆری‌ میكونووس به‌ڕێوه‌چوو، ساڵی‌ 1997 له‌لایه‌ن دادگای‌ بێرلینه‌وه‌ به‌ تاوانی‌ هه‌بوونی‌ ڕۆڵی‌ سه‌ره‌كی‌ له‌ ڕێكخستنی‌ تیرۆری‌ سكرتێری‌ گشتیی‌ حیزبی‌ دێموكرات‌و هاوڕێیانی‌ دا، به‌ زیندانی‌ ئه‌به‌د مه‌حكووم كرا. به‌ ڕواڵه‌ت ئازاد كرانی‌ كازم دارابی‌ پاساوی‌ قانوونیی‌ له‌پشته‌. چونكه‌ به‌پێی‌ به‌ندێكی‌ قانوونی ئه‌ڵمان ،ئه‌و كه‌سه‌ی‌ زیندانی‌ ئه‌به‌دی‌ بۆ ده‌بڕێته‌وه‌، پاش تێپه‌ڕاندنی‌ 15 ساڵ‌ له‌ حه‌پسه‌كه‌ی‌، لاوانرێ‌ وه‌به‌ر لێخوشبوون بكه‌وێ‌ و ئازاد بكرێ‌. به‌ڵام ئازاد كردنی‌ كازم دارابی‌ له‌ژێر هه‌ر ناوێك دا‌و به‌ هه‌ر پاساوێك بێ‌، دژایه‌تیی‌ له‌گه‌ڵ‌ دادپه‌روه‌ری‌‌و سیاسه‌تی‌ به‌ربه‌ره‌كانی‌ له‌گه‌ڵ‌ تیرۆریزم‌و ئینسانكوژی‌ دا هه‌یه‌. چونكه‌:

1ـ له‌ كاتی‌ خۆی‌ دا راگه‌یه‌ندرا له‌ حوكمی‌ ئه‌به‌دی‌ كازمی‌ دارابی‌ دا ئه‌وه‌ گونجاوه‌ كه‌ پاش 15 ساڵ زیندان ناتوانێ‌ له‌و ئه‌سڵه‌ قانوونی‌ یه‌ كه‌ڵك وه‌ر بگرێ‌ .
2ـ مۆره‌یه‌كی‌ گه‌وره‌‌و گرنگی‌ ده‌زگای‌ تیرۆر‌و ئینسانكوژیی‌ كۆماری‌ ئیسلامی‌، له‌ كاتێك دا ئازاد ده‌كرێ‌ كه‌ نه‌ ئاڵوگۆڕێك له‌ بیركردنه‌وه‌ی‌ خۆی‌ دا پێك هاتوه‌ (بۆ نموونه‌ تا ئێستا په‌شیمانیی‌ له‌و كرده‌وه‌ ئینسانكوژانه‌یه‌ی‌ خۆی‌ ده‌رنه‌بڕیوه‌)، نه‌ هیچ گۆڕانێك له‌ نێوه‌رۆكی‌ ڕێژیمی‌ تیرۆریست‌و جینایه‌تكاری‌ كۆماری‌ ئیسلامی‌دا ڕووی‌ داوه‌و ده‌سه‌ڵاتدارانی‌ ئێران وه‌ك هه‌میشه‌ هه‌رچی‌ له‌ تاوان‌و جینایه‌ت به‌دژی‌ نه‌یارانی‌ خۆیان له‌ نێوخۆ‌و ده‌ره‌وه‌ی‌ وڵات كردوویانه‌، به‌ ڕه‌وا‌و به‌ هه‌ق ده‌زانن.
3ـ ئازاد كرانی‌ گه‌ڵاڵه‌داڕێژ‌و ڕێكخه‌ری‌ تیرۆرێكی‌ ده‌وڵه‌تی‌ له‌ كاتێك دایه‌ كه‌ هه‌وڵێكی‌ به‌ربڵاوی‌ نێونه‌ته‌وه‌یی‌ بۆ پابه‌ند كردنی‌ ڕێژیمی‌ ئیسلامیی‌ ئێران به‌ كۆنوانسیونه‌ نێونه‌ته‌وه‌یی‌یه‌كان‌و ده‌ست هه‌ڵگرتن له‌ به‌رنامه‌ ناوكی‌یه‌كان‌و له‌ په‌ره‌پێدانی‌ تیرۆر‌و ئاژاوه‌ له‌ ناوچه‌كه‌دا، له‌گۆڕێ‌ دایه‌. ئه‌ڵمان كه‌ بۆ خۆی‌ یه‌ك له‌ وڵاتانی‌ گرووپی‌ "1+5" ه‌‌و، داواكاره‌ ڕێژیمی‌ ئێران واز له‌ یاغیگه‌ری‌ وقانوون شكێنی‌ بێنێ‌، له‌جیاتی‌ ئه‌وه‌ی‌ شانبه‌شانی‌ وڵاتانی‌ دیكه‌، هه‌وڵ‌ بۆ خستنه‌ڕووی‌ په‌روه‌نده‌كانی‌ دیكه‌ی‌ تیرۆری‌ ئه‌و ڕێژیمه‌‌و به‌ڕێوه‌چوونی‌ عه‌داڵه‌ت له‌باره‌یانه‌وه‌ بدا، پاساو بۆ ئازادیی‌. تیرۆریسته‌كان ده‌دۆزێته‌وه‌!
شاراوه‌ نیه‌ كه‌ هه‌ر له‌ سه‌ره‌تای‌ گیرانی‌ تیرۆریسته‌كان‌و ئاشكرابوونی‌ ڕۆڵی‌ ڕێبه‌رانی‌ ڕێژیمی‌ ئێران له‌ تیرۆری‌ 17ی‌ سیپتامبری‌ 1992 دا كۆماری‌ ئیسلامی‌ به‌شێوه‌ی‌ جۆراوجۆر هه‌وڵی‌ داوه‌ له‌گه‌ڵ‌ ده‌وڵه‌تی‌ ئه‌ڵمان بكه‌وێته‌ ساتوسه‌ودا بۆ ئه‌وه‌ی‌ تیرۆریسته‌كان ڕزگار بكا‌و، به‌رپرسایه‌تیی‌ تیرۆره‌كه‌ نه‌خرێته‌ سه‌ر ڕێبه‌رانی‌ ئه‌و ڕێژیمه‌. دوای‌ ئه‌وه‌ش كه‌ به‌ پێشنیاری‌ سات‌و سه‌ودا‌و به‌ هه‌ڕه‌شه‌، نه‌ی توانی‌ ڕه‌وتی‌ كاری‌ دادگای‌ بێرلین بگۆڕێ‌، به‌شێوه‌ی‌ جۆراوجۆر هه‌وڵی‌ ئازادبوونی‌ كازم دارابیی‌ داوه‌. گرتنی‌ چه‌ند كه‌سی‌ ئه‌ڵمانی‌ به‌ بیانووی‌ جیاواز‌و، به‌ستنه‌وه‌ی‌ ئازادیی‌ ئه‌وان به‌ ئازاد كرانی‌ دارابی‌ له‌لایه‌ن ئه‌ڵمانه‌وه‌ به‌شێك له‌و هه‌وڵانه‌ بووه‌. ئه‌و پێوه‌ندییه‌ش كه‌ ناوه‌نده‌ سیاسی‌‌و خه‌به‌رییه‌كانی‌ جیهان له‌نێوان ئازادیی‌ كازم دارابی‌‌و، درانه‌وه‌ی‌ چه‌ند ته‌رمێك به‌ حیزبوڵڵای‌ لوبنان له‌لایه‌ن ئیسرائیله‌وه‌‌و، ئه‌گه‌ری‌ خرانه‌ ڕووی‌ هێندێك زانیاری‌ له‌باره‌ی‌ "ڕۆن ئاراد" فڕۆكه‌وانی‌ ئیسرائیلی‌ له‌لایه‌ن ئێرانه‌وه‌، ده‌ی بینن و ئه‌م ڕۆژانه‌ به‌ گه‌رمی‌ باسی لێوه‌ده‌كرێ‌، گومانی‌ ئه‌وه‌ به‌هێز ده‌كا كه‌ جارێكی‌ دیكه‌ حه‌ق‌و حه‌قیقه‌ت‌و دادپه‌روه‌ری‌‌و خوێنی‌ به‌ناحه‌ق ڕژاوی‌ گه‌وره‌ تێكۆشه‌رانی‌ ڕێگای‌ دیموكراسی‌‌و مافی‌ مرۆڤ بكرێته‌ قوربانیی‌ سات‌و سه‌ودای‌ سیاسی‌. ده‌زگای‌ قه‌زایی‌ ئه‌ڵمان كه‌ به‌ شێلگیربوون له‌سه‌ر په‌روه‌نده‌ی‌ تیرۆری‌ میكونووس‌و ڕاگه‌یاندنی‌ حوكمی‌ مێژوویی‌ دادگای‌ بێرلین، شانازییه‌كی‌ گه‌وره‌‌و ئیعتیبارێكی‌ نێونه‌ته‌وه‌یی‌ بۆ ئه‌و وڵاته‌ تۆمار كرد، به‌ ئازادكردنی‌ ڕێكخه‌ری‌ سه‌ره‌كیی‌ ئه‌م تیرۆره‌، ده‌بێته‌ هۆی‌ نیگه‌رانی‌‌و بێزاریی‌ ئۆگرانی‌ دادپه‌روه‌ری‌‌و قوربانیانی‌ تیرۆریزم‌و، زیان به‌ ناوبانگ‌و ئیعتیباری‌ خۆی ده‌گه‌یه‌نێ‌.
حیزبی‌ دێموكراتی‌ كوردستان ئازاد كردنی‌ بكوژانی‌ ڕێبه‌ران‌و تێكۆشه‌رانی‌ خۆی‌ له‌لایه‌ن ده‌وڵه‌تی‌ ئه‌ڵمانه‌وه‌ له‌ژێر هه‌ر ناوێك دا بێ‌، به‌ ناڕه‌وا‌و نه‌گونجاو له‌گه‌ڵ‌ دادپه‌روه‌ری‌‌و سیاسه‌تی‌ دژایه‌تی‌ له‌گه‌ڵ‌ تیرۆریزم‌و یاغیگه‌ریی‌ نێونه‌ته‌وه‌یی‌ ده‌زانێ‌. هه‌ر له‌م پێوه‌ندییه‌ش دا، داوا له‌ هه‌موو حیزب‌و ڕێكخرا‌وو ناوه‌ند‌و بنیات‌و كه‌سایه‌تی یه‌ مرۆڤدۆست‌و عه‌داڵه‌تخوازه‌كان ده‌كا دژی‌ ئه‌م هه‌نگاوه‌ی‌ ئه‌ڵمان ده‌نگ هه‌ڵ‌ ببڕن‌و، هه‌وڵه‌كانی‌ خۆیان بۆ گوشار خستنه‌ سه‌ر ده‌وڵه‌تانی‌ پێوه‌ندیدار به‌ مه‌به‌ستی‌ خستنه‌ ڕووی‌ په‌روه‌نده‌ی‌ تیرۆره‌كانی‌ كۆماری‌ ئیسلامی‌‌و ده‌ركردنی‌ بڕیاری‌ عادڵانه‌وبه‌دوور له‌ گوشار‌و ته‌ون‌و به‌ستی‌ سیاسی‌، چڕ‌و پڕ بكه‌نه‌وه‌.
حیزبی‌ دێموكراتی‌ كوردستان
ده‌فته‌ری‌ سیاسی‌
28ی‌ ڕه‌زبه‌ری‌ 1386

20ی‌ ئۆكتۆبری‌ 2007

گه لاوێژ:سه‌رۆك وه‌زیری‌ توركیا ره‌جه‌ب ته‌یب ئه‌ردۆغان داوای‌ له‌ فه‌رمانده‌ی‌ سوپای‌ توركیا و وه‌زیره‌كانی ئه‌و ووڵاته‌ كرد كه ئێواره‌ی‌ ئه‌مرۆ كۆبوونه‌وه‌یه‌كی‌ به‌په‌له‌ ساز بكه‌ن .
له پاش ئه‌وه‌ی‌ له‌ شه رو پێكدادنێكدا له‌ ناوچه‌ی‌ هه‌كاری‌ چه‌كداره‌كانی‌ په‌كه‌كه‌ نزیكه‌ی‌ 28 سه‌ربازی‌ توركیایان كوشتوه و برینداركردوه سه‌رۆك وه‌زیره‌ی‌ توركیا داوای‌ له‌ فه‌رمانده‌ی‌ سوپای‌ وڵاته‌كه‌ی‌ كرد كه كۆبونه‌وه‌یه‌كی‌ به‌په‌له‌ ساز بكه‌ن.
چاودێرانی‌ سیاسی‌ لایان وایه‌ له‌و كۆبوونه‌وه‌یه‌دا سه‌ركرده كانی‌ سیاسی‌‌و سه‌ربازی‌ توركیا بریاری‌ گرنگ ده ر بكه ن سه‌باره‌ت به‌ كێشه‌ی‌ ‌په‌كه‌كه‌ له‌ هه‌رێمی‌ كوردستان.

گه لاوێژ:جه‌لال تاڵه‌بانی سه‌رۆكی عێراقی ڕه‌خنه‌ی له‌ قسه‌كانی ئه‌م دوایـیه‌ی به‌شـار ئه‌لئه‌سه‌د سه‌رۆكی سوری گرتووه‌ بۆ پـشتیوانیـكردنی له‌ له‌شـكری توركی بۆ هه رێمی كوردستان به بیانوی چه كدارانی په كه كه

ڕۆژی شه‌ممه‌ له‌ چاوپـێـكه‌وتنێـكدا له گه ڵ ڕۆژنامه‌ی شه‌رق ئه‌لئه‌وسه‌ت تاڵه‌بانی وتی: قسه‌كانی به‌شـار ئه‌لئه‌سه‌د سه‌رۆكی سوری ‌ترسـناك و ئاڵۆزی ده خاته نێوانی هاوكاریـیه‌كانی عێراق و سوریا.
تاڵه‌بانی وتی ئێمه چاوه روانی ئه وه مان ده كرد كه حكومه تی سوریا بۆچوونی ئه‌مریكا و ئه‌وروپایـیه‌كانی هه بوایه كه‌ داوای چاره‌سه‌ركردنێـكی ئاشـتیـیانه‌ ده‌كه‌ن. تاڵه‌بانی هه‌روه‌ها له‌ كۆنفرانسـێـكی ڕۆژنامه‌وانیدا له‌ شـاری سـلێمانی وتی ئه‌و له‌و بڕوایه‌دایه‌ واشـنتۆن به‌ توركیا ڕێـگه‌ نادات له‌ چوونه‌ ژووره‌وه‌ی له‌شـكری توركی بۆ ناوچه‌ كانی هه رێمی كوردستان.
له‌ شـاری كوردستانیش بۆ بێزاری ده‌ربڕین دژ به‌ هه‌ڕه‌شـه‌كانی توركیا له‌ و به‌زاندنی سـنوور
سه‌رۆكی هه‌رێمی كوردستانیش مه سعودبارزانی پاش ئه‌وه‌ی بڕیاری به‌زاندنی سـنووری هه رێمی كوردستان بۆ شه‌ڕكردنی له گه ڵ چه كدارانی په كه كه له‌ لایه‌ن پارله مانی توركیاوه‌ په‌سه‌ند كرابوو، وتوویه‌تی ناوچه‌كه‌ به‌رامبه‌ر هه‌ر ده‌ستدرێژیكردنێـك به‌رگری له‌خۆی ده‌كات.
مه‌سـعود بارزانی له‌ به‌یانـنامه‌یه‌كدا له‌ ڕۆژی هه‌ینی هه‌روه‌ها داوای دیالۆگی كردووه‌ له‌ نێوان توركیا و پارتی كرێـكارانی كوردسـتان، وه‌ وتی كوردسـتان پـشـتیوانی له‌و شه‌ڕه‌ و یاخود ئه‌و توندوتیژیـیانه‌دا نه‌كردووه‌ و ئیجازه ی سنوور به زاندنی هه رێمی كوردستان نا ده ین.

هه ر له‌ ڕۆژی هه‌ینی له‌ به‌یانـنامه‌یه‌كدا كه‌ بڵاوبۆته‌وه‌ سـكرتێری گشتی نه‌ته‌وه‌ یه‌كگرتووه‌كان بان كی موون له‌ هه‌ردوولا داوای كردووه‌ له‌م كاته‌ ناسـكه‌دا نه‌رمی نیشـان بده‌ن و كێشه كان له رێگای دانیشتن و گفتگۆكردن چاره سه ر بكرێن.

هاونیشتمانانی تێکۆشه‌ر!

پارت و رێکخراوه‌ کوردستانییه‌کان!

پارلمانی ترکیا له‌ هه‌نگاوێکی نابه‌رپرسانه‌ی ئاڵۆزکه‌ردا بڕیاری له‌شکرکێشی بۆ باشوری کوردستان په‌سند کردووه‌.

ئه‌م بڕیاره‌ی پارلمانی ترکیا به‌ پێچه‌وانه‌ی رۆحی سه‌رده‌م و دژ به‌ رێسا و یاساکانی مرۆڤایه‌تی سه‌رده‌م و بنه‌ماکانی دراوسێتی باش و ئیراده‌ی ئازادی خه‌ڵکی باشوری کوردستانه‌.

بیانووی حکومه‌ت و پارلمان و ئه‌رته‌شی ترکیا بۆ له‌شکرکێشی بۆ سه‌ر باشوری کوردستان، چالاکییه‌کانی PKK و بوونی بنکه‌ و باره‌گاکانی ئه‌و حیزبه‌ له‌ باشوری کوردستانه‌.

به‌ڵام له‌ راستیدا، ئه‌وه‌ ته‌نیا پاساوێکه‌ بۆ ده‌بڕینی نیازخراپیی ترکیا و ئامانجه‌ شاره‌واکانی و کێشه‌ی ئه‌سڵی ترکیا، له‌گه‌ڵ ماف و ئازادییه‌کانی نه‌ته‌وه‌ی کورد و بوونی کیانی سیاسییه‌.

ناوه‌نده‌ بڕیاربه‌ده‌سته‌کانی ترکیا، پێیانوایه‌، ئه‌وان وه‌ک سه‌رده‌می ئیمپراتۆری هه‌ڵوه‌شاوی عوسمانی ده‌بێ چاره‌نووسی گه‌لانی نه‌ترک و له‌وان نه‌ته‌وه‌ی کوردیان به‌ده‌ست بێ و کورد بۆی نه‌بێ له‌ هێچ کوێ به‌ ئازادیی بژی.

ئه‌وه‌نده‌ی بۆ پرسی کورد ده‌گه‌رێته‌وه‌، ئه‌م پرسه‌ له‌ ناو خۆی ترکیا دا بووه‌ته‌ قه‌یرانێکی قووڵ به‌سه‌رده‌ستی کاربه‌ده‌ستان و ناوه‌نده‌ سیاسییه‌کانی ئه‌و وڵاته‌وه‌ و PKK ش ئاکامی ئه‌و پرسه‌ و به‌ستراوه‌ی چاره‌سه‌ر بوون و نه‌بوونی ئه‌و کێشه‌یه‌یه‌.

کۆمیته‌ی رێکخستنی ئوروپای پارتی ئازادیی کوردستان، وێرای مه‌حکوومکردنی بڕیاری پارلمانی ترکیا، ده‌نگی خۆی ده‌خاته‌ ته‌نیشت سه‌رۆکایه‌تی و پارلمانی کوردستان و هه‌موو ئه‌و ده‌وڵه‌ت و رێکخراو و هێزانه‌ی له‌ ئاستی جیهانی و هه‌رێمیدا له‌ دژی ئه‌و بڕیاره‌ ده‌نگیان هه‌ڵبڕیوه‌.

کۆمیته‌ی ئوروپای PAK له‌سه‌ر ئه‌و باوه‌ڕه‌یه‌ که‌ بۆ مه‌حکوومکردنی ئه‌و بڕیاره‌، پێویسته‌ کوردستانییه‌کان به‌ تاک و به‌ حیزب و رێکخراوه‌ سیاسیی و کۆمه‌ڵایه‌تی و فه‌رهه‌نگییه‌کانه‌وه‌ ده‌نگی خۆیان به‌ وه‌رێخستنی که‌مپه‌ین و خۆپشاندان هه‌ڵبڕن.

هه‌ر له‌و کاته‌شدا به‌ ئه‌رکی خۆمانی ده‌زانین که‌ له‌کاتی هه‌ر هێرشێکی داگیرکه‌رانه‌ی ترکیا یان هه‌ر ده‌وڵه‌تێکی دیکه‌دا، وێرای رۆڵه‌کانی باشووری کوردستان، له‌ به‌رپه‌رچدانه‌وه‌ی هێرشکه‌رانه‌دا ئاماده‌بین.

بژی کورد

Europe Committee

Kurdistan Freedom Party

Tel: 0031-263252693

Fax: 0031-263252157

Mobil: 0031-641693364

info.pak_europa@betuwe.net

info.pak_europa@yahoo.com

pak.hewal@gmail.com

www.pazadik.orgبژی کوردستان

www.pazadik.com

پارتی ئازادیی کوردستان

کۆمیته‌ی ئوروپا

27/ ڕه‌زبه‌ری/2707

کۆر‌و کۆمه‌ڵه‌ به‌شه‌ر دۆسته‌کان !
شووڕای مافی مرۆفی رێکخراوی نه‌ته‌وه‌ یه‌کگرتووه‌کان!
ئازادیخوازان‌و لایه‌نگرانی مافی مرۆف!
حیزب‌و رێکخراوه‌ سیاسییه کوردستانییه‌کان!
هه‌روه‌ک ئاگادان ماوه‌ی نزیک به شه‌ش ساڵه‌ کۆمه‌ڵێک خه‌باتگێری سیاسیی کورد که له‌به‌ر بارودۆخی ناله‌باری ئه‌منی ناچار بوون خۆیان بگه‌یه‌ننه‌ وڵاتی تورکیه‌و له ده‌فته‌ری نوێنه‌رایه‌تیی کۆمیساریای به‌رزی په‌نابه‌رانی سه‌ربه‌ رێکخراوی نه‌ته‌وه‌ یه‌کگرتووه‌کان ناونووسی بکه‌ن‌و، پاش تێپه‌ڕبوونی ساڵێک سه‌ره‌نجام له‌لایه‌ن ئه‌م رێکخراوه‌وه بۆ جاری دووهه‌م وه‌ک په‌نابه‌ری سیاسی قبووڵ کرانه‌وه‌و له‌و‌ رێکه‌ته‌وه‌ تا ئێستا هیچ کارێکی جیددی له‌لایه‌ن رێکخراوی ناوبراوه‌وه بۆ گواستنه‌وه‌ی ئه‌م کۆمه‌ڵه‌ په‌نابه‌ره بۆ وڵاتانی وه‌رگری په‌نابه‌ر نه‌کراوه‌.
رۆژی هه‌ینی رێکه‌وتی 27ی ره‌زبه‌ری 1386ی هه‌تاوی به‌رامبه‌ربه 19ی ئۆکتۆبری 2007ی زایینی کاک ئه‌یووب په‌رنیانی ناسراو به ئه‌یووب قه‌ره‌گوێزی په‌نابه‌ری سیاسیی کوردی نیشته‌جێ له شاری "وان"ی تورکیه له‌لایه‌ن پۆلیسه‌وه‌ هه‌ڵده‌کوترێته ‌سه‌ر ماڵه‌که‌ی‌و بۆ خۆی‌و هاوسه‌ره‌که‌ی‌و مناڵه‌که‌یان ده‌سبه‌سه‌ر ده‌کرێن‌و به‌ره‌و سنووری ئێران راپێچیان ده‌که‌ن.
ئه‌مه‌ له‌کاتێک دایه‌ که له شاری ئاماسیا که چه‌ند که‌س له‌و په‌نابه‌رانه‌ی که به‌ شیمالی عێراق ناسراون، تێدا نیشته‌جێ کراوه‌، له‌لایه‌ن پۆلیسه‌وه‌ ئاگادار کراون که به‌م‌زووانه‌ هه‌موویان بۆ ئێران سنوورداش ده‌کرێنه‌وه.
داوا له‌ هه‌موو رێکخراوه‌کانی پارێزه‌ری مافی مرۆف، شووڕای مافی مرۆفی رێکخراوی نه‌ته‌وه‌ یه‌کگرتووه‌کان، حیزب‌و رێکخراوه‌ سیاسییه کوردستانییه‌کان، ئینسانه‌ به‌شه‌ردۆسته‌کان‌و سه‌رجه‌م ئازادیخوازانی جیهان ده‌که‌ین که له‌م هه‌ل‌و مه‌رجه‌ دژوار‌و سه‌خته‌دا بۆ رزگار بوونی ئه‌م کۆمه‌ڵه‌ ئینسانه تێکۆشه‌ره‌ سیاسییه کورده‌، به‌ هانایانه‌وه‌ بچین‌و به‌ ئاگادار کردنه‌وه‌ی شوێنه‌ پێوه‌ندیداره‌کان پێش به‌ کاره‌ساتێکی تراژێدی بگرین‌و ئیجازه نه‌ده‌ین سات‌و سه‌ودا به رۆڵه‌کانی گه‌له‌که‌مانه‌وه‌ بکه‌ن‌و گیانیان بکه‌نه‌ ئامرازی مه‌سه‌له‌حه‌ته‌کانیان.
با هه‌موومان به‌ هه‌ر شێوه‌یه‌ک که‌ له‌ده‌ستمان دێ بۆ ره‌واندنه‌وه‌ی ترس‌و خۆفی سنوورداشکردنه‌وه‌و پاشان زیندان‌و له سێداره‌دانی تێکۆشه‌رانی کورد له‌لایه‌ن جمهوری ئیسلامییه‌وه هه‌وڵ بده‌ین‌و بۆ ده‌رباز کردنیان له‌م چاره‌نووسه‌ نادیاره‌ ئه‌وه‌ی له توانامان دایه به‌کاری بێنین.
کۆمیته‌ی پشتیوانیی له په‌نابه‌رانی سیاسی کورد له تورکیه
20ی ئۆکتۆبری 2007ی زایینی

گه لاوێژ:رۆژ هه ینی له شاری وان پۆلیسی توركیا رژانه سه ر ماڵی په نابه رێكی رۆژهه لاتی كوردستان به ناوی ئه یوب قه ره گوێزی و به ماڵ و منداله وه ده ستگیریان كردن.ئه یوب قه ره گوێزی پێشتر پێشمه رگه ی حیزبی دێموكرات بوو،پاشان وه ك په نابه ر له وڵاتی توركیا خۆی ته هویلی یوئێن دابوو،سه ر له به یانی رۆژی هه ینی له‌ لایه‌ن پۆلیسی تورکیاوه‌ ده‌سگیر کراكه تا ئێستا پۆلیسی تورك ئاماده‌ نییه‌ دان به‌وه‌ دا بنێ که‌ ناوبراویان ده‌سگیر کردووه.په نا به رانی رۆژهه ڵاتی كوردستان له توركیه زۆر جار روو به روی هه ره شه ی گیران و ته حویل دانه وه ده بنه وه.قه‌ره‌گوێزی خه ڵكی شاری بۆكانه و کوڕی هونه‌رمه‌ندی گۆرانیبێژ عه‌بوو قه‌ره‌گوێزییه‌ که‌ ماوه‌ی چه‌ند ساڵه‌ له‌ وڵاتی تورکیا وه‌ک په نا به ر ده ژیت و یه‌کێک له‌و په نابه رانه ی كه ساڵانێك خزمه تی كردوه و ئێستاش له وڵاتی توركیه دا په نا به ره که‌ به‌ که‌یسی شیمالی عێراق ناسراون.

گه لاوێژ:سكرتێری‌ گشتی‌ ئه‌نجومه‌نی‌ باڵای‌ ئاسایشی‌ نه‌ته‌وه‌یی‌ ئێران و به‌رپرسی‌ تیمی‌ دانوستانی‌ ئێران سه‌باره‌ت به‌ به‌رنامه‌ ئه‌تۆمیه‌كانی‌ عه‌لی‌ لاریجانی‌ ده‌ست له‌ كار كێشایه‌وه‌ ی خۆی ڕاگه یاند.
غوڵام حسێن ئیلهام وته‌بێژی‌ حكومه‌تی‌ تاران له‌لێدوانێكی‌ رۆژنامه‌وانیدا رایگه‌یاند: عه‌لی‌ لاریجانی‌ به‌ ویستی‌ خۆی‌ ده‌ ستی له كار كردن كێشاوه‌ته‌وه‌ و له‌ لایه‌ن سه‌ركۆماری‌ ئێرانیش داوای‌ ده‌ست له‌ كار كێشانه‌وه‌كه‌ی‌ قبوڵكراوه‌.
ڕاگه یاندرا كه‌ حكومه‌تی‌ ئێران كه‌سێكی‌ به‌ ناوی‌ سه‌عیدی‌ جه‌لیلی‌ له‌ شوێنی عه‌لی‌ لاریجانی‌ سكرتێری‌ پێشوی‌ ئه‌نجومه‌نی‌ باڵای‌ ئاسایشی‌ نه‌ته‌وه‌یی‌ ئێران ته ر خان كردوه

Kurdistan Democratic Party leader, Massoud Barzani speaks to reporters during a press conference in Salahedin, Iraq, Friday, Oct. 14. 2005.

گه لاوێژ:مه سعودبارزانی، سه رۆكی هه رێمی كوردستان له ڕاگه یاندنێكدا ڕای گه یاند كه هه رێمی كوردستان ئاماده ی به رگری كردن له خۆیه تی له ئه گه ری هه ر هێرشێكی دوژمن كارانه.ئه م ڕاگه یاند نه ی سه رۆكی هه رێمی كوردستان له پاش ئه وه ی كه پارله مانی توركیا بڕیاری له شكر كێشی بۆ ناو خاكی هه رێمی كوردستان ده ركرد.رۆژی هه ینی له به یاننامه یه كدا داوای له توركیا كرد كه سه باره ت به ره وشه كه گفوگۆ بكرێت. سه رۆكی هه‌رێمی كوردسـتان گوتیشی به‌رپـرسـیار نیـیه‌ له‌ شه‌ڕی نێوان توركیا و سه‌رهه‌ڵـداوانی پارتی كرێـكارانی كوردسـتان‌. گوتیشی هه‌رێمی كوردسـتان پـشـتیوانی له‌و شه‌ڕ و توندوتیژیـیه‌ ناكات.
هه‌ر ڕۆژی هه‌ینی سه‌رۆك وه‌زیری توركیا ڕه‌جه‌ب ته‌یب ئه‌ردۆگان له‌ ئه‌سـته‌نبوڵ گوتی ده‌بێت بنكه‌كانی په‌كه‌كه‌ له‌ باكوری عێراق نه‌مێنێت و سه‌ركرده‌ كانی په كه كه ش بدرێنه‌ ده‌ست توركیا. ئه‌ردۆگان خۆشـحاڵی خۆشی ده ربری به‌رامبه‌ر به‌ ڕاگه‌یاندنه‌كه‌ی وه‌زیری ده‌ره‌وه‌ی عێراق هۆشـیار زێباری كه ڕۆژی پـێـنجشه‌ممه‌ رایگه یاند، كه‌ تیایدا گوتبووی عێراق ده‌یه‌وێت له‌ دژی په‌كه‌كه‌ هه‌نگاو بهاوێت.شـایانی باسه‌ ڕۆژی چوارشه‌ممه‌ ی رابردوو په‌رله‌مانی توركیا بریاری كرده‌وه‌ی له‌شـكری له‌ دژی چه كدارانی په‌كه‌كه‌ له‌ ناو خاكی هه رێمی كوردستان په‌سه‌ندكرد

گه لاوێژ:به پێ هه واڵ كه له كوردستان به ده ستمان گه یشتوه،ئه مرۆ هه ینی خه به رمان پێ گه یشت، له رێگای نێوان شنۆ و گوندی شێخان ماشینێكی جیب له موتورسكرێتێكی داوه كه كه سی له سه ر بونه یه كه كیان بریندار بوه و یه كه كیشیان به ناوی سابیر كوری مه جید خه ڵكی گوندی شێخان ته مه ن26 ساڵی له نه خۆشخانه یه كی ورمێ گیانی له ده ست دا، هه تا گه یشتنی ئه م خه به ره ته رمی سابیر هه روا له سارد خانه ی نه خۆشخانه ی شنۆ دایه و هێشتا ته حویلی بنه ماڵه كه ی نه دراوه ته وه.

گه لاوێژ:رۆژی سی شه م7.24. 1386ته رمی 4 كوژراو كه به تفه نگ لێیان دراوه دیترانه وه،دوای ئه وه ی بردرانه پزشكی قانونی، ته شخیس دراون 10هه تا 14رۆژ ده بی ئه وا نه كوژراون.

ناوه كانیان بریتین له

1.سه عدون ئه عمه دیان كوری عوسمان،2.ئه میر زه بیحی كوری محه مه د زه بیحی،3.مه نوچیهر لاوه زڕبرای سه عدون، 4.ئه بوبه كر مه عرفی كوری له تیفه زه خته ی.ئه چوار كه سه زۆر پیس موعتاد به ماده سڕ كه ره كان ببون و گۆیا ته زریقاتی مۆرفین و مه سره فی كریستاڵیان ده كرد كه خه ته ر ناكترین ماده یه.ئه وانه له گه ڵی باغی مه حمودزاده كوژراون.تاقمێك به ناوی هێزی گه ل به یانیان ده ر كردوه و گویا وه ئه ستۆی خۆی گرتون،ئه و تاقمه له سه ره تای مانگی خه رمانانیش دا به یانیه یه كی ده ركردبو.

گه لاوێژ:ماڵپه‌ڕی ره‌سمی سه‌ر به‌ كۆماری ئیسلامی ئیسنا ، ڕایگه یاند دوێنێ كۆپته‌ریكی ئه‌رته‌شی كۆماری ئیسلامی له‌ ناوچه‌كانی سه‌ر به‌ شاری كرماشانی رۆژهه‌ڵاتی كوردستان كه‌وته‌ خواره‌وه‌ و هه‌ر دوو سه‌ر نشینی كۆپته‌ره‌كه‌ كوژران.

به‌رپرسی ناوه‌ندی رووداوی چاوه‌ڕواننه‌كراو ته‌هماسب نه‌جه‌فی له‌ كرماشان ئه‌و كۆپته‌ره‌ سه‌عات 1ی دوانیوه‌ڕۆی رۆژی پێج شه‌ممه‌ له‌ نزیك یه‌كێك له‌ گونده‌كانی سه‌ر به‌ شاری كرماشان كه‌وتۆته‌ خواره‌وه‌ و له‌ ئاكامیكه‌وتنه‌ خواره‌وی كۆپته ره كه دا دوو سه‌رنشینی كۆپته‌ره‌كه‌ به‌ ناوه‌كانی جه‌عفه‌ر شوكری و محه‌ممه‌د عیزه‌تی له جێ دا كوژراون. هه ر وه ها ڕگه یاندا كه تا ئێستا هۆی كه وتنی كۆ ته ره كه نه زانراوه .

گه لاوێژ: سه‌رۆكی‌ سوریا به‌شار ئه‌سه‌دله ڕایگه یاندنێك دا دامه‌زراندنی‌ ده‌وڵه‌تێكی‌ سه‌ربه‌خۆی‌ كوردی‌ له‌ باكوری‌ عێراق وه‌كو بۆمبێكی‌ ته‌وقیتكراو وه‌سف ده‌كات و ده ڵێت كه ئاڵۆزیه ك ده بێت، هه‌موو ناوچه‌ی‌ خۆرهه‌لاتی‌ ناوه‌ڕاست ده گرێته وه.

له‌ چاو پێكه وتنێك دا له‌ گه ل رۆژنامه‌نوسه‌كانی‌ توركیا به‌شار ئه‌سه‌د وتی‌: من زۆر خۆشحاڵ ده‌بم ئه‌گه‌ر مه‌سه‌له‌ی‌ دامه‌زارندنی‌ ده‌وڵه‌تی‌ ‌كوردی‌ ته‌نیا خه‌یاڵێك بێت، به‌ڵام ئێستا بمانهه وێت و نه مانهه وێت بارودۆخه‌كه‌ گۆڕاوه‌و پێكهاته‌ی‌ دیموگرافی‌ ئه‌و ناوچانه‌ش ده‌ستكاری‌ كراوه‌ و ئه‌وه‌ش نیشانه‌ی‌ مه‌ترسییه‌كی‌ گه‌وره‌یه‌ بۆ هه موو لا یه كمان

هه ر له‌گه‌ڵ ئه‌و لێدوانه‌یدا به‌شار ئه‌سه‌د په‌كه‌كه‌یشی‌ به‌ رێكخراوێكی‌ تیرۆریستی‌ له قه ڵه مدا و داوای‌ له‌ حكومه‌تی‌ توركیاش كرد كه‌ سیاسه‌تی ده وڵه تی توركیه سه‌باره‌ت به‌ عێراق رونتر بكاته‌وه‌و حكومه‌تی‌ سوریاشی‌ لێ‌ ئاگادار بكاته‌وه‌.

Defense Secretary Robert Gates, 26 Sept. 2007

گه لاوێژ: ڕۆبه رت گه تیس، وه زیری به رگری ئه مریكا ده ڵێت وڵاته یه لگرتووه كانی ئه مریكا بیر له كارێك ده كا ته وه بۆ پاراستنی وڵاتی توركیا له هێرش چه كدارانی پكه كه كه له باكوری عێراق نیشته جێ بوونه.

ڕۆژی پێنجشه ممه له پنتاگۆن ڕۆبه رت گه تیس له وته یه كیدا گوتی هه ردوو وڵاتی عێراق و ئه مریكا ئاماده ن بۆ ئه نجامدانی كارێكی گونجاو سه باره ت به پێشگرتن به چالاكیه كانی پكه كه.

هه ر چه ند به وردی نه چووه سه ر تێبینیه كانی،به ڵام وتی ئه مریكا ئاماده یه بۆ یار مه تی دانی توركیا بۆ كه م كردنه وه ی هه ڕه شه ی پكه كه.

حكومه تی توركیا ده ڵێت ئاماده یه كه له شكركێشی بكاته سه ر خاكی عێراق به مه به ستی نه هێشتنی چالاكیه كانی پكه كه.

هۆشیار زیباری وه زیری ده ره وه ی عێراق له م باره یه وه ڕای گه یاند حكومه تی عێراق دژی هه ر چه شنه ‌هێرشێك ده كات له ناو چاكی عێراقه وه بۆ وڵاتانی دراوسێ و هوشداریشی دایه توركیا كه له شكركێشی توركیا ده بێته مایه ی پێشێلكردنی سه ر وه ری خاكی عێراق و ئه نجامی خراپی لێ ده كه وێته وه كه هیوامان وایه توركیه به م بڕیاره ی دا بچیته وه و له شكركێشی به كات.

گه لاوێژ:حكومه‌تی‌ توركیا ره تیكرده وه كه‌ دانیشتن‌و گفتوگۆ له‌گه‌ڵ حكومه‌تی‌ هه‌رێمی‌ كوردستان سازبكات، سه باره به م ئاڵۆزییه ی كه هاتۆته ئاراوه.ئه وه ش له كاتی ‌سه‌روبه‌ندی‌ چاره‌سه‌ركردنی‌ مه‌سه‌له‌ی‌له‌شكرێكشی‌ سوپای‌ توركیا بۆ ناو خاكی هه‌رێمی‌ كوردستان.
جێگری‌ سه‌رۆك وه‌زیری‌ توركیاجه‌مال چیچیك له‌ چاوپێكه‌وتنێكیدا له‌گه‌ڵ رۆژنامه‌ی‌ زه‌مانی‌ توركی‌ كه‌ به‌زمانی‌ ئینگلیزی‌ بڵاوده‌بێته‌وه‌، رایگه‌یاند: بۆ چاره‌سه‌ركردنی‌ مه‌سه‌له‌ی‌ له‌شكركێشی‌ توركیا بۆ باكووری‌ عێراق‌و راوه‌دونانی‌ چه‌كدارانی‌ په‌كه‌كه‌، حكومه‌تی‌ ئه‌نقه‌ره‌ ته‌نها گفتوگۆ‌و دانیشتن له‌گه‌ڵ حكومه‌تی‌ به‌غدا ده‌كات.
دیاره پێشتر، حكومه‌تی‌ هه‌رێمی‌ كوردستان داوای‌ له‌ حكومه تی توركیا كردبووه‌ له‌ڕێی‌ كفتوگۆو كردن‌ مه‌سه‌له‌ی‌ بوونی‌ چه‌كدارانی‌ په‌كه‌كه‌ له‌ ناو خاكی هه‌رێمی‌ كوردستان چاره‌سه‌ربكرێت.

گه لاوێژ:جێگری‌ سه‌ره‌ك وه‌زیری‌ عێراق دكتۆر به‌رهه‌م ئه‌حمه‌د ساڵح پێشبینی‌ ده‌كات، له‌ هه‌ر هێرشێكی‌ چاوه‌ڕوان كراو كه‌ ئه‌نكه‌ره‌ ئه‌نجامی‌ بدات بۆ سه ر هه رێمی كوردستان.
ئه‌مریكا هاوكاری‌ حكومه‌تی‌ هه‌رێمی‌ كوردستان بكات له‌چاوپێكه وتنێك دا له‌ گه‌ڵ رۆژنامه‌ی‌ شه‌رقل ئه‌وسه‌تدا به‌رهه‌م ساڵح جه‌ختی‌ كرده‌وه‌: له ئه گه ری هێرشێكی‌ سه‌ربازی‌ توركیا بۆ سه‌ر هه‌رێمی‌ كوردستان نه‌ك به‌ته‌نها كوردستان و عێراق ، به‌ڵكو سه‌رجه‌م ناوچه‌كه‌ رووبه‌ڕوی‌ قهیرانێكی ئاڵۆز ده‌كاته‌وه‌.
به‌رهه‌م ساڵح ره‌تیشكرده‌وه‌ كه‌هه‌ڕشه‌كانی‌ توركیا هیچ په‌یوه‌ندیه‌كی به مه‌سه‌له‌ی‌ كه‌ركوكدا هه‌بێت و ته‌ئكیدی‌ كرده‌وه‌ مه‌سه‌له‌ی‌ كه‌ركوك په‌یوه‌ندی‌ به‌ عه‌ره‌ب وكورد وتوكمان و توركیاو ئێرانه‌وه‌ نییه‌ به‌ڵكو مه‌سه‌له‌یه‌كی‌ عێراقیه‌و له‌ چوارچێوه‌ی‌ ده‌ستوری عێراق چارسه‌ر ده‌كرێت .
سه‌باره‌ت به‌ هه‌ڵویستی‌ ئه‌مریكاش بۆ ئه و هه‌ڕه‌شانه‌ی‌ توركیا به‌رهه‌م ساڵح وتی‌ : ئه‌گه‌ر توركیا سه‌روه‌ری‌ عێراق پێشێل بكات ، پێشبینی‌ ده‌كه‌م ئه‌مریكا هاوكاری گه ل و هه رێمی كوردستان بكات.

Kurds, supporters in Dahuk protest Turkey's decision to send army to Iraq, 18 Oct 2007

گه لاوێژ:سه‌ر له‌ به‌یانی ئه‌مڕۆ ده‌یان هه‌زار كه‌س له كارمه‌ندانی حكومه‌ت و خوێندكاران و خه‌ڵكی دیكه‌ كه ئاڵای كوردستانیان ده‌شـه‌كانده‌وه‌ و له‌ شاره‌كانی هه‌ولێر و دهۆك به‌ مه‌به‌ستی شه‌رمزاركردنی هه‌ر چه‌شنه‌ هێرشێك بۆ سه‌ر هه‌رێمی كوردستان له‌ لایه‌ن توركیاوه‌، خۆپێشندانێكیان ساز كرد.

خه ڵكی شاره كانی كوردستان له‌ به‌رده‌م نووسینگه‌ی نه‌ته‌وه‌ یه‌كگرتووه‌كان كۆبوونه‌وه‌ و داوایان له‌ كاربه‌ده‌ستانی ئه‌و رێكخراوه‌یه‌ كردوه به‌ خێرای هه‌ڵوێستی راسته‌قینه‌ی خۆیان له‌ هه‌مبه‌ر ئه‌و بڕیاره‌ی توركیا رابگه‌ێنن و رێگه‌چاره‌ی پێویست بۆ ئه‌و كێشه‌یه‌ تاوتوێ بكه‌ن و هه‌روه‌ها داوایان له‌ حكومه‌تی فیدڕاڵی عێراقیش كرد به‌ زۆترین كات به‌رپه‌رچی قسه‌كانی كاربه‌ده‌ستانی تورك بده‌نه‌وه‌ .

ئه‌وه‌ش له‌ كاتێكدایه‌ كه‌ دوێنێ رێپێوانێكی له‌وجۆره‌ له‌ پارێزگای سلێمانی به‌ڕێوه‌ چوو كه چاوه‌ڕوان ده‌كرێ له‌ ماوه‌ی چه‌ند رۆژی داهاتوودا رێپێوانێكی گه‌وره‌تر له‌ سه‌رتاسه‌ری شاره‌كانی كوردستان،دژ به هیرشی توركیه ئه نجام بدرێت.

ئه‌و ناره زایه ی خه ڵكی كوردستان له كاتێك دایه كه‌ ڕۆژی چوارشه‌ممه‌ له‌ لایه‌ن په‌رله‌مانی توركه‌وه‌ په‌سه‌ند په سه ندكردنی له شكر كێشی بۆ ماوه‌ی یه‌ك سـاڵ كه‌ سـنووری كوردستان‌ بـبه‌زێنێت بۆ كرداری له‌شـكری به بیانووی پكه كه.

گه لاوێژ: وه‌زیری ده‌ره‌وه‌ی ئیسراییل داوای له‌ ئه‌نجومه‌نی ئاسایشی نێوده‌وڵه‌تی كرد بۆ پێشگرتن له‌ وه ده ستهینانی چه‌كی ناوكی، له‌ لایه‌ن كۆماری ئیسلامی ئێرانه‌وه‌، پێویسته‌ كه‌ برَیارێكی تازه دژی ئه‌و وڵاته‌ ده‌ربكرێ، به‌ جۆرێك بێت كه‌ سزاكان بۆ سه‌ر ئێران توندتر بكات.

خاتو "تسیبنی لیڤنی" له‌و كۆنگره‌ رۆژنامه‌وانییه‌ هاوبه‌شدا له‌ گه‌ڵ "كۆندۆلیزا رایس "،له‌ ئورشه‌لیم، رایگه‌یاند:" بۆ به‌ رازیكردنی وڵاتانی چین و رووسیا بۆ پشتیوانی كردن له‌و بڕیاره‌ی ‌كه‌ له‌ له‌ سه‌ره‌تای ئه‌مساڵدا دژی ئێران ده‌ركرا، تا ڕاده‌یه‌ك زۆر ناوه‌رۆكی ئه‌و برَیارانه‌ گۆڕانی به‌سه‌رداهاتووه‌، هیوامان وایه ئه‌مجاره‌ هیچ جۆره‌ ئالوگۆڕێك له‌ خاڵه‌كانی ئه‌و برَیاره‌دا نه یه ته پێش ‌ و به‌ پێی راستییه‌كان مامه‌ڵه‌ له‌ گه‌ڵ ئه م مه سه له بكه ن.

وه‌زیری ده‌ره‌وه‌ی ویلایه‌ته‌ یه‌كگرتووه‌كانی ئه‌مریكاكۆندۆلیزا رایس، ئاشكرای كرد :" ئێستا ئه‌ندامانی ئه‌نجومه‌نی ئاسایشی نێوده‌وڵه‌تی و ئه‌ڵمانیا سه‌رقاڵی ئاماده‌كردنی پرۆژه‌ برَیارێكی دیكه‌ دژی ئێرانن و ئه‌گه‌ر هه‌وڵه‌كان بۆ ئه‌م مه‌به‌سته‌ له‌ لایه‌ن وڵاتای 5+1 ده‌رنجامێكی ئه‌وه‌توێ لێنه‌كه‌وێته‌وه‌، ئه‌مریكا بۆ په‌سه‌ندكردنی برَیارێكی له‌و شێوه‌یه‌ هه‌وڵه‌كانی ده خاته گه ر.

گه لاوێژ: وه‌زاره‌تی‌ ده‌ره‌وه‌ی‌ توركیا ئه‌و هه‌واڵانه‌ی‌ ره‌تكرده‌وه‌ به ناراستی له قه له م دا كه‌‌ حكومه‌تی‌ توركیا به‌ڵێنی‌ به‌ تاریق هاشمی‌ جێگری‌ سه‌ركۆماری‌ عێراق دابێت ، كه‌ له‌شكركێشی‌ نه‌كاته‌ سه‌ر خاكی‌ هه‌رێمی‌ كوردستان.
وه‌زاره‌تی‌ ده‌ره‌وه‌ی‌ توركیا له‌به‌یاننامه‌یه‌كدا كه بڵاو كراوه‌ته‌وه‌ باسی‌ ئه‌وه‌ كراوه‌ كه‌ ئه‌و هه‌واڵه‌ هیچ بنه‌مایه‌كی‌ راستی‌ نییه‌و توركیاش به‌ هیچ شێوه‌یه‌ك به‌ڵێنی‌ نه‌داوه‌ به تارق هاشمی كه‌ له‌شكركێشی‌ نه‌كاته‌ سه‌ر خاكی‌ هه‌رێمی‌ كوردستان.
جێی‌ باس كردنه كه هه‌واڵی‌ ئه‌وه‌ بڵاو بووه‌ كه‌ گوایه‌ توركیا به‌ڵێنی‌ داوه‌ سنووره‌كانی‌ كوردستان نه‌به‌زێنێ‌ ، له پاش‌ ئه‌وه‌ بڵاو بوه‌وه‌ كه‌ تاریق هاشمی‌ له‌ لێدوانێكی‌ رۆژنامه‌واییدا وتبووی‌: ئه‌نجامی‌ باشم به ده‌ست هێناوه هیوادارام به‌وه‌ی‌ كه‌ كێشه‌كانی‌ نێوان توركیا و عێراق به شێوه یه كی باش چاره‌سه‌ر بكرێن .

President Bush speaks to the Lancaster Chamber of Commerce and Industry in Lancaster, Pennsylvania, 3 Oct. 2007

گه لاوێژ:سه‌ركۆماری ئه‌مریكا، جۆرج بوش، هۆشداری دا كه‌ ئه گه ر كۆماری ئیسلامی ئێران خاوه نی چه‌كی ناوكیی بێت ده‌نوانێ دنیا به‌ره‌و شه‌ڕی جیهانیی سێهه‌م ڕابكێشت

سه‌ركۆماری ئه‌مریكارۆژی چوارشه‌ممه‌ له‌ كۆنفڕانسێكی خه‌به‌ریی له‌ كۆشكی سپی قسه‌ی ده‌كرد، جه‌ختی له‌ سه‌ر ئه‌وه‌ كرده‌وه‌ كه‌ ئه‌گه‌ر ئێران ده‌ستی به‌ چه‌كی ناوكی رابگات، ئه‌منییه‌تی دنیا به‌ گشتی ده‌كه‌وێته‌ مه‌ترسییه‌وه‌ و جیهان به ره و شه ڕێكی نه خوازراو ده بات.

له درێژه ی قسه كانی دا جۆرج بوش گوتی: كۆماری ئیسلامی خاوه ن ڕێبه رێكه كه‌ خوازیاری له‌ ناو بردنی ئیسراییله‌.

بوش رایگه‌یاند: ئێستا دونیا له مه ترسی دایه، ئه‌گه‌ر دنیا ده‌یهه‌وێ به دوور بن له شه رو نایانهه وێت شه‌ڕی جیهانیی سێهه‌م روو بدات، ئه‌وا ده‌بێ رێگا بگرن له‌ حكوومه‌تی ئێران له‌ به‌ وه‌ست هێنانی چه‌كی ناوكی.

جۆرج بوش رایگه‌یاند، چاوه‌رێی ئه‌وه‌یه‌ كه‌ ئه‌م حه‌وتوویه‌ ویلادیمیر پوتین سه‌ركۆماری رووسیا، له‌ گه‌ڵ سه‌ركۆماری ئێران، وتووێژ بكات.

سه‌ركۆماری رووسیا، ویلادیمیر پوتین، حه‌وتووی رابردوو رایگه یاند: هیچ به‌ڵگه‌یه‌كی له‌ به‌ر ده‌ست دا نییه‌ كه‌ ئه‌و تاوانانه‌ی ده‌درێته‌ پاڵ كۆماری ئیسلامی، بۆ دروستكردنی چه‌كی ناوكی، راست بێت.هه موو ئه م قسانه به تاوان له قه له م دا نیسبه ت به به رنامه ناوه كی كۆماری ئیسلامی.

گه لاوێژ: به پێ هه واڵ كه له كوردستان به ده ستمان گه یشتووه،به داخه وه ئاگادار كراین كه ئه ندامێكی له مێژینه ی حیزب به ناوی حه سه ن شوجاعی خه ڵكی شنۆ رۆژی 23 /7/1386 به هۆی نه چۆشی كۆچی دوایی كرد.

كاك حه سه ن پیاویكی نیشتمانپه روه ر و حیزب دۆست بو، و كورێكیشی به ناوی سه مه د شجاعی ساڵی 1361 له زیندانی ده ریای ورمێ به تاوانی ئه ندامی تێكۆشه ری دێموكرات ده گه ڵ چه ند تێكۆشه رێكیتر ئێعدام كرا.

به م بۆنه یه وه سه ره خۆشی له بنه ماڵه ی به رێزی و هه مو خه ڵكی شنۆ ده كه ین.

گه لاوێژ:به پێی هه واڵێك كه له كوردستان به ده ستمان گه یشتووه،شه وی 23له‌ له سه ر 1386،7،24 له شاری شنۆ له جێگایه ك به ناوی جه نگه ڵی سولتان مسته فا 4 كه س كوژراون،له داهاتویه كی نزیك دا خه به ره كه به وردی بڵاو ده كه ینه وه.

پێویسته بگوترێ ئه و جێگایه هه ر ئه و شوێنه یه كه روژی 17/7 ته رمی مندالێكی ته مه ن6 ــ 7 ساڵه ی به ناوی بهروز ئه حمه دیان كوری سه عیدی لێ دوزرایه وه كه ماوه یه ك بو بێ شوێن ببو.كه ئه ویش هێشتا هۆی بێ شوێن كردنی و كوشتنه كه ی به ته واوی روون نه بۆته وه.

پارڵمانی توركیا له‌ كۆبوونه‌وه‌ی تایبه‌تی خۆیدا سه‌ره‌ڕای ناره‌زایه‌تیی ئه‌مریكا و یه‌كێتی ئه‌وروپا و پارڵمانی رووسیا و زۆربه‌ی رێكخراوه‌ و ناوه‌نده‌كانی نێوده‌وڵه‌تی له‌ هه‌مبه‌ر ئه‌و هه‌نگاوه‌ی كاربه‌ده‌ستانی توركیا، بڕیاری به‌زاندنی سنووره‌كانی هه‌رێمی كوردستانی په‌سه‌ند كرد.

ئه‌و برَیاره‌ كه‌ به‌ 507 ده‌نگی ئه‌رێ له‌ هه‌مبه‌ر له‌ به‌رامبه‌ر 19 ده‌نگی نه‌رێنی په‌سه‌ند كرا رێگه‌ به‌ سوپای توركیا ده‌دا كه‌ به‌ بیانووی گه‌ریلاكانی پارتی كرێكارانی كوردستان له‌و ناوچه‌یه‌دا سنووره‌كانی هه‌رێمی كوردستان ببه‌زێنن.

سه‌رچاوه‌كانی هه‌واڵ رایانگه‌یاند: جگه‌ له‌ ئه‌ندامانی "پارتی كۆمه‌ڵگای دیموكراتیك "سه‌رجه‌م پارڵمانتارانی تورك ده‌نگی ئه‌رێیان به‌و بڕیاره‌ داوه‌ و ئه‌مه‌ش ته‌نیا بڕیارێكه‌ كه‌ دوای سه‌رده‌می "كه‌مال ئاتا تورك"، دانه‌ری توركیای نوێ كه‌متر رووی داوه‌ كه‌ برَیارێك به‌ رێژه‌یه‌كی له‌و شێوه‌یه‌ له‌ پارڵمانی ئه‌و وڵاته‌ په‌سه‌ند كرابێت .

هه‌رچه‌نده‌ دوێنێ سه‌رۆك وه‌زیرانی توركیا له‌ لێدوانێكدا ئاماژه‌ی به‌وه‌ كردبوو كه‌ په‌سه‌ند كردنی ئه‌و بڕیاره‌ به‌ مانای ده‌ستبه‌جێ هێرش كردنه‌ سه‌ر خاكی كوردستان نییه‌، له‌ لایه‌ن نه‌ته‌وه‌خوازه‌كانی ئه‌و وڵاته‌وه‌ به‌توندی ره‌خنه‌ی لێگیرا.

له‌ كاتێكدا "تاریق هاشمی" جێگری سه‌ر كۆماری عێراقی فێدراڵ سه‌رقاڵی وتووێژ له‌ گه‌ڵ كاربه‌ده‌ستانی توركیا ده‌رباره‌ی چۆنیه‌تی چاره‌سه‌ركردنی بوونی گریلاكانی پارتی كرێكارانی كوردستان له‌ ئه‌نكارایه‌ له‌ په‌یوه‌ندییه‌كی ته‌له‌فۆنیدا له‌ گه‌ڵ سه‌رۆك وه‌زیرانی ئه‌و وڵاته‌ رایگه‌یاند:" عێراق بۆ چاره‌سه‌ركردنی ئه‌و كێشه‌یه‌ پێویستی به‌ ده‌رفه‌تی زۆرتر هه‌یه‌ و ئێستا به‌غدا رووبه‌ڕووی چه‌ند كێشه‌ی گه‌وره‌بووته‌وه‌ و پێویسته‌ سه‌ره‌تا ئه‌و كێشانه‌ چاره‌سه‌ر بكا ئه‌و كات ئه‌گه‌ر پێویست بكا له‌گه‌ڵ ئه‌نكارا و له‌ هه‌ڵمه‌تێكی هاوبه‌شدا ئۆپه‌راسیۆن دژی پارتی كرێكارانی كوردستان ئه‌نجام ده‌دا.

په‌سه‌ند كردنی بڕیاری سه‌ركوتكردنی پارتی كرێكارانی كوردستان له‌ناو خاكی هه‌رێمی كوردستان له‌ كاتیكدایه‌ كه‌ زۆربه‌ی ده‌زگاكانی راگه‌یاندنی توركیا ئه‌مڕۆ دژایه‌تیی ئه‌مریكا و یه‌كێتی ئه‌وروپا و رووسیا و عێراق و هێزه‌كانی په‌یمانی ناتۆیان له‌گه‌ڵ كرده‌وه‌یه‌كی له‌و شێوه‌یه‌ بڵاو كرده‌وه‌.

به‌ڵام له‌ لایه‌كی دیكه‌وه‌ "به‌شار ئه‌سه‌د" سه‌رۆكی سووریا كه‌ به‌ سه‌ردانی فه‌رمی گه‌ێشتووته‌ توركیا دوای وتووێژ له‌ گه‌ڵ "عه‌بدوڵلا گول" سه‌رۆكی ئه‌و وڵاته‌ و "ره‌جه‌ب ته‌یب ئه‌ردۆگان" سه‌رۆك وه‌زیران له‌ كۆنگره‌یه‌كی رۆژنامه‌وانی دا پاڵپشتیی وڵاته‌كه‌ی له‌ بڕیاری سه‌ركوتكردنی پارتی كرێكارانی كوردستان له‌ ده‌ره‌وه‌ی سنووره‌كانی توركیا خسته‌ڕوو.

به‌ گوێره‌ی ئاژانسی "خه‌به‌ر تورك" جگه‌ له‌ سووریا كه‌ دانیشتوانی كوردی نارازیین له‌هه‌مبه‌ر سیاسه‌ته‌كانی دیمه‌شق، ئێرانیش ره‌زامه‌ندیی خۆی له‌مه‌ڕ ئه‌و بڕیاره‌ی كاربه‌ده‌ستانی ئه‌نكارا راگه‌یاندووه‌.

ده‌بێ ئاماژه‌ به‌وه‌ش بكرێ كه‌ "وه‌لید موعه‌لیم" وه‌زیری ده‌ره‌وه‌ی سوریا په‌یمانێكی ئاسایشی له‌ گه‌ڵ هاوتا توركه‌كه‌ی "عه‌لی باباجان" ئیمزا كرد و به‌ پێی ئه‌و رێكه‌وتنامه‌یه‌ ئه‌گه‌ر پێوه‌ندییه‌كانی توركیا و ئه‌مریكا به‌هۆی په‌سه‌ندكردنی بڕیاری ره‌شه‌كوژی ئه‌رمه‌نییه‌كان له‌ لایه‌ن كۆنگرێسه‌وه‌ روو له‌ ئاڵوزی بكا به‌ شێوه‌ی راسته‌وخۆ پشتیوانی له‌ توركیا بكا، وه‌ك باسی لێوه‌ ده‌كه‌ن زۆربه‌ی بڕگه‌كانی ئه‌و رێكه‌وتنه‌ تایبه‌ته‌ به‌ به‌ره‌نگاربوونه‌ له‌ گه‌ڵ پارته‌ كوردییه‌كان و سه‌ركوتكردنی هه‌رجۆره‌ بزۆتنه‌وه‌یه‌كی نه‌ته‌وه‌یی كوردی له‌و دوو وڵاته‌دا.

سه ر چاوه خۆرهه ڵات نێوز

گوشاری ئێران بۆ سه‌ر ئه‌و رێكخراوه‌و دامه‌زراوانه‌ی كه‌ له‌لایه‌ن ده‌سه‌ڵاتی ئێرانه‌وه‌ رێگه‌ پێدراون تادێ به‌رفراوانتر ده‌بێت.

ئه‌و هه‌واڵانه‌ی كه‌ له‌مدواییانه‌دا سه‌باره‌ت به‌ مافی مرۆڤ له‌ ئێران بڵاو بوونه‌ته‌وه‌ باس له‌وه‌ ده‌كه‌ن كه‌ ده‌وڵه‌تی ئێران به‌ توندی گوشاری خستۆته‌ سه‌ر ئه‌و دامه‌زراوانه‌ی كه‌ به‌ شێوه‌یه‌كی یاسایی و له‌ چوارچێوه‌ی سنووری ده‌سه‌ڵاتدا كار ده‌كه‌ن. به‌ زۆری له‌ بازنه‌ی گیران و سوكایه‌تی كردنه‌ به‌ چینی رۆناكبیر و ئه‌وانه‌ی كه‌ به‌ چه‌شنی پێشنگایه‌تی به‌شێك له‌ پێویستیه‌كان و زه‌روره‌ته‌كانی كۆمه‌ڵگه‌ ده‌كه‌ن.

وه‌ك بینیومانه‌ ئه‌م گرتن و رفاندنانه‌ ته‌نها تایبه‌ت به‌ رێكخراوه‌ یان N G O یه‌كه‌وه‌ نه‌بوو به‌ڵكو هه‌رچه‌شنه‌ رێكخراویك به‌ جۆریك به‌ر په‌لاماری سنورداركردن و گرتن كه‌وتون.

بۆ نمونه‌ محه‌مه‌د سدیق كه‌بودوه‌ند سه‌رۆكی رێكخراوی مافی مرۆڤی كوردستان نزیك به‌ سێ مانگه‌ ده‌سگیر كراوه‌ و ئه‌و هه‌واڵانه‌ی كه‌ رێكخراوی ناوبراو و بنه‌ ماڵه‌كه‌ی بڵاوی ده‌كه‌نه‌وه‌ باس له‌ ره‌وشی ناله‌ باری ئه‌و و شێوازی راگرتنی له‌ زیندان و هه‌لسوكه‌وت له‌ گه‌ڵی ده‌كه‌ن.

به‌رێز كه‌بودوه‌ند كۆمه‌ڵێ تاوانی بێ بنه‌ ما و بێ ئه‌ساسی خراوه‌ته‌ پاڵ‌ و كراوه‌ته‌ به‌هانه‌یه‌ك بۆ قۆڵبه‌ست كردنی و ئێتر هێشتا نادیاره‌ چ حوكمێك چاوه‌ڕوانی ده‌كات.

رێكخراوی مافی مرۆڤی كوردستان رێكخراوێكی فه‌رمی و مۆڵه‌ت پێدراوه‌ له‌ لایه‌ن ئێرانه‌وه‌ كه‌ له‌ چوارچێوه‌ی یاسای ئێران و به‌ پێی ئه‌ساسنامه‌ی ناۆخۆیی خۆی كه‌ په‌سه‌ندكراوه‌ چالاكی نواندوه‌.

هیوا بوتیمار یه‌كێ تر له‌ ئه‌ندامانی رێكخراوێكی ناحكومی و فه‌رمی و رێگه‌ پێدراوه‌ له‌ ئێران كه‌ پتر له‌ 9 مانگه‌ ده‌سگیر كراوه‌ و سێ مانگیش له‌وه‌ و پێش باڵاترین سزا واته‌ سزای سێداره‌ی به‌سه‌ردا سه‌پاوه‌.

ئه‌و N G O كه‌ هیوا ئه‌ندامی بوه‌ و یه‌ك له‌ دامه‌زرێنه‌رانی بوه‌ ته‌نها كارێ ژینگه‌ پارێزی و هه‌وڵدان بۆ پارێزگاری له‌ سروشت و جوانیه‌كانی ته‌بیعه‌ته‌.

سزای سێداره‌ بۆ هیوا بوتیمار كه‌ هاوكات له‌ گه‌ڵ عه‌دنان حه‌سه‌نپور روژنامه‌وانی سه‌ر به‌ خۆ له‌ یه‌ك كات و له‌ لایه‌ن یه‌ك قازییه‌وه‌ بڕدرایه‌وه‌، ناره‌زایه‌تێه‌كی به‌رفراوانی جیهانی و ناوچه‌یی به‌دواوه‌ بوو.

دواین هه‌واڵیش له‌ بوتیمار و حه‌سه‌نپور گواستنه‌وه‌یانه‌ بۆ زیندانی گشتی و به‌خشیتی خه‌ڵاتی ساڵانه‌ی ئازادی رۆژنامه‌نوسی له‌ ئیتالیا‌یه‌ به‌ ناوبراوان.

ئه‌م خه‌ڵاته‌ ساڵی پار به‌خشرایه‌ دوو رۆژنامه‌نوسی عێراقی كه‌ یه‌كیان كورد و ئه‌ویتریان ئاسوری بوو.

هه‌روه‌ها دو ساڵ‌ له‌وه‌و پێشیش به‌خشرایه‌ ئه‌كبه‌ری گه‌نجی ئێرانی كه‌ ئه‌ویش له‌ پێناو ئازادی راده‌ربڕین پتر له‌ شه‌ش ساڵ‌ حه‌بس كرا.

روناكی سه‌فا زاده‌ كچه‌ كوردێكی دیكه‌ی بواری ژنانه‌ و یه‌كێ له‌ ئه‌ندامانی كه‌مپه‌ینی 1 ملۆێن ئیمزایه‌ له‌ ئێران كه‌ به‌ مه‌به‌ستی گۆرینی یاسای جیاوازی مافی ژن و پیاو له‌ ئێران ساڵێك له‌مه‌وبه‌ر دامه‌زراوه‌.

چالاكیه‌ كانی ئه‌م رێكخراوه‌ش ته‌نها له‌ چوار چێوه‌ی یاساكانی ئێران دایه‌ و به‌ شێوازێكی نه‌رم و له‌ سه‌ر خۆ خه‌ریكی ئیمزا كۆكردنه‌وه‌ و هه‌وڵدانه‌ بۆ گۆرینی یاسای دژی ژن له‌ ئێراندا.

روناك سه‌فازاده‌ یه‌كه‌م ژن نیه‌ له‌و كه‌مپه‌ینه‌ دا كه‌وتۆته‌ به‌ ر په‌ڵامار و گرتن. بنه‌ ماڵه‌ی روناك باس له‌وه‌ ده‌كه‌ن كه‌ ناوبراو بێ سه‌ر و شۆینه‌و له‌ كاتی گرتنیه‌وه‌ تا ئێستا جێگای نادیاره‌.

دوایین هه‌واڵ‌ كه‌ بڵاو بۆته‌وه‌ و ئاژانسه‌كانی ده‌نگو باسی ئێرانیش پشتراستیان كردۆته‌وه‌ گیرانی عیماد الدینی باقی سه‌رۆكی به‌رگری له‌ مافی زیندانیان له‌ ئێرانه‌. عیماده‌ دین باقی رۆژی یه‌كشه‌مه‌ كاتێ كه‌ به‌ بانگهێشتی دادگا ئاماده‌ ده‌بێت له‌ویدا حوكمی ده‌سگیر كردنی ده‌رده‌چێت و یه‌كسه‌ر ره‌وانه‌ی زیندان ده‌كرێ،

باقی پێشتریش دو ساڵ و چه‌ن مانگێك گیرابو. ئێران هاوپشتی و پشتیوانی له‌ زیندانیان به‌ به‌شدارێكردن له‌ تاوانی زیندانیان له‌ قه‌ڵه‌م ئه‌دات.

باقی جگ له‌ پارێزگاری له‌ زیندانیان به‌ تایبه‌ت زیندانیانی سیاسی چه‌ندین جار به‌ توندی ئیدانه‌ی حوكمی ئیعدامی له‌ ئێران كردوه‌ و بۆ هه‌ڵوه‌ شاندنه‌وه‌ی سزای سێداره‌ له‌ ئێران هه‌وڵی داوه‌.

ئه‌مانه‌و هه‌زارانی تر كه‌ من ته‌نها له‌م مه‌جاله‌ كه‌مه‌ دا به‌ كورتی و به‌ خێرای ئاماژه‌م پێدان له‌و هه‌زاران پێشێلكاریه‌ ئاشكراو به‌ر چاوانه‌ی مافی مرۆڤه‌ له‌ ئێرانه‌ كه‌ رۆژانه‌ چه‌ن باره‌ وسه‌د باره‌ ده‌بنه‌وه‌.

ترسی ده‌سه‌ڵات له‌ رێكخراو و N G O كه‌ خۆی رێگه‌ی پێداوه‌ هیچ شتێك بۆ ئێران نایه‌ڵێته‌وه‌ كه‌ بتوانێ رایگه‌یه‌نێت كه‌ پێشێل كاری مافی مرۆڤ و ئازادی له‌ وڵاتی ئێراندا نیه‌ هه‌روه‌ك سه‌رۆكه‌كه‌ی له‌ زانكۆی كولۆمبیا رایگه‌یاندو بووه‌ جێگای گاڵته‌ پێكردنی ئاماده‌ بوان و پاشانیش شه‌رمی ئێرانیه‌كان.

سه رچاوه ئینسان دۆست

گه لاوێژ:شه‌وی چوار شه‌ممه‌ی رابردوو له‌ شاری مه ریوان له نزیك بۆلواری موعه‌لیمی دوو كه‌س له‌ ئه‌ندامانی ئه‌لقاعیده‌ له‌ لایه‌ن دوو كه‌سی نه‌ناسراوه‌وه‌ كوژران.

شه‌وی چوار شه‌ممه‌ی رابردوو له‌ نزیك بۆلواری موعه‌لیمی شاری مه‌ریوان دوو كه‌س له‌ ئه‌ندامانی ئه‌لقاعیده‌، له‌ كاتێك دا كه‌ له‌ سه‌ر شه‌قامه‌كه‌ پیاسه‌یان ده‌كرد، له‌ لایان دوو كه‌سی مۆتۆرسواره‌وه‌ به‌ ده‌مانچه‌ ته‌قه‌یان لێكرا و كوژران.كه تا ئێستا ئه م كه سانه نه ناسراون كه كێن.

ئه‌و دوو كه‌سه‌ ی كه كوژران، خه‌ڵكی باشووری كوردستان بوون و ماوه‌ی چه‌ند ساڵ بوو كه‌ له‌ رۆژهه‌ڵاتی كوردستان له‌ دژی ده‌سه‌ڵاتی كوردی له‌ باشووری كوردستان پیلانیان ده‌گێڕا.

تیرۆریستێك به ناوی "مادیح هه‌ورامی" بوو كه‌ به‌رپرسی نیزامیی كۆمیته یه كی تیرۆریستانه‌ بوو كه‌ له‌ چه‌ند مانگی رابردوو دا له‌ ناوچه‌كانی سنووری هه‌رێمی باشووری كوردستان، كاری تیرۆریستییان ئه‌نجام ده‌دا. ناوی تیرۆریسته كه ی تر سوهه‌یب" بوو و خه‌ڵكی ناوچه‌ی خورماڵ بوو.

شایانی باسه ئه م تیرۆریستانه ی كه له ڕۆژهه ڵاتی كوردستان نیشته جێ بوونه له لایه ن كۆماری به ناو ئیسلامی هاوكاری ده كرێن،تا ئێستا چه ندین كرده وه ی تیرۆریسیان له هه رێمی كوردستان جی به جێ كردوه.

‌

پارێزه‌ر گۆران ئه‌دهه‌م ره‌حیم ئه‌ندامی‌ ده‌سته‌ی‌ داكۆكیكار له‌ كه‌سوكاری‌ ئه‌نفالكراوه‌كان، له‌ لێدوانێكی‌ تایبه‌تدا بۆ نه‌وا رایگه‌یاند: ئه‌گه‌ری‌ ئه‌وه‌ هه‌یه‌ له‌سه‌ره‌تای‌ هه‌فته‌ی‌ داهاتوودا، تاوانبارانی‌ ئه‌نفال له‌سێداره‌ بدرێن..

نه‌وا

سه رچاوه رادیۆ نه وا

گه لاوێژ: سه‌رۆكی‌ روسیان فلادیمێر پوتن كه به سه ردانێك له ئێران دایه، له‌وانه‌یه‌ گرێبه‌ستێكی‌ سه‌ربازیی‌ له‌گه‌ڵ حكومه‌تی‌ تاراندا مۆربكات. رۆژنامه‌ی‌ "كومرسانت"ی‌ ئابووری‌ رووسی له‌ راپۆرتێكدا بڵاویكرده‌وه‌: حكومه‌تی‌ روسیا به ته مایه (50) داینه‌مۆی‌ فڕٍۆكه‌ی‌ جۆری‌ "میگ 29" به‌ هێزه‌ ئاسمانییكانی‌ ئێران بفرۆشێت‌و واش پێشبینی ده‌كرێت به‌های‌ گرێبه‌سته‌كه‌ نزیكه‌ی‌ (150) ملیۆن دۆلار بێت. به‌پێی‌ هه واڵی رۆژنامه‌ روسیه‌، حكومه‌تی‌ تاران ئه‌و (50)داینه‌مۆیه‌ بۆ فڕۆكه‌ی‌ جۆری‌ "ئازه‌ر ره‌خش"ی‌ به‌رهه‌مهێنراوی‌ خۆی‌ به‌كارده‌هێنێت.

گه لاوێژ: پڕۆژه‌ی ناردنی سه‌ربازی توركیا، به‌ مه‌به‌ستی ئه‌نجامدانی ئۆپه‌راسیۆن دژی چه گدارانی په‌كه‌كه‌، له‌ ده‌ره‌وه‌ی سنوور، له‌ لایه‌ن حكومه‌تی ئه‌و وڵاته‌وه‌ بۆ پارله مان ره وانه كرا و سه‌رۆكایه‌تی په‌رله‌مانی ئه‌و وڵاته‌ش پرۆژه‌ كه ی خسته‌ به‌ر باس و لێكۆلینه وه بڕیار وایه رۆژی چوارشه‌ممه‌ بڕیاری كۆتایی له سه ر بدرێت

وته‌بێژی حكوومه‌تی توركیا،جه‌ماڵ چیچه‌ك،له‌ ئه گه ری ئۆپه‌راسیۆنی سه‌ربازیی توركیا له‌ ده‌ره‌وه‌ی سنووری ئه‌و وڵاته‌ لێدوانێكی چاپه‌مه‌نی بۆ ڕۆژنامه وانان رێكخست.

جه‌ماڵ چیچه‌ك له لێدوانه كه ی دا وتی: ئه گه ر ئه م ئۆپراسیۆنه بڕیاری جێی به جێی كردنی له سه ر بدرێت، ئامانجمان ته نیا په كه كه ده بێت.ناو براو وتی كه په كه كه ده ی هه وێ پڕو پا گه نده له دژی پڕۆژه كه وه رێ بخات.ده‌بێ هه‌موو بزانن ته‌نیا ئامانجی ئه‌و دۆسییه‌یه‌ رێگرتنه‌ له‌ چالاكییه‌كانی په‌كه‌كه‌یه‌" له ناو خاكی توركیا دا

چیچه‌ك هه‌روه‌ها گوتی: "ئه‌و پرۆژه‌یه‌ له‌ به‌ندی 92ی ده‌ستووری بنه‌ڕه‌تیی توركیا، كه‌ ساڵێك له مه و به ر‌ به‌ ئامانجی رێگرتن له هێرشی په‌كه‌كه‌، له‌ باشووری كوردستان، له‌ پارله‌مانی توركیادا پێشنیار كراوه‌. ئه‌وه‌ پرۆژه‌یه‌ ته‌نیا دژ به‌ په‌كه‌كه‌یه‌، ده‌نا ئێمه‌ خۆمان به‌ دۆستی هه‌موو گه لانی عێراق ده‌زانین و هیچ مه به ستی دیكه له پشت پرۆژ ه كه له ئارا دانییه.

گه لاوێژ:كۆمسیۆنی‌ باڵای‌ په‌نابه‌ران له‌ نه‌ته‌وه‌یه‌كگرتووه‌كان سه‌باره‌ت به‌ به‌زاندنی‌ سنووری‌ هه‌رێمی‌ كوردستان له‌لایه‌ن سوپای‌ توركیا‌وه هۆشداریده دا به م وڵاته. ئه‌نتۆنیۆ جوتیریس كۆمیساری‌ په‌نابه‌ران له‌ نه‌ته‌وه‌یه‌كگرتووه‌كان له‌ لێدوانێكی‌ داله‌ برۆكسلی‌ پایته‌ختی‌ به‌لژیكا رایگه‌یاند:ناوچه كانی هه‌رێمی‌ كوردستان له‌چاو ناوچه‌كانی‌ دیكه‌ی‌ عیراق ئاسایش به‌شێوه‌یه‌كی‌ به‌رچاو تێیدا هه یه،هه روه ها وتی: به‌سه‌دان هاووڵاتی‌ ناوچه‌كانی‌ دیكه‌ به‌هۆی‌ نائارامی‌ نائارامی ناوچه كه یان روویان كردۆته‌ ناوچه كا نی بن ده ستی هه‌رێمی‌ كوردستان كه ئارامیه كی به رچاوی تێدا سه قامگیر بووه
به‌رپرسه‌كه‌ی‌ نه‌ته‌وه‌ یه‌كگرتووه‌كان ئاماژه‌ی‌ به‌وه‌شدا كه‌ مه‌سه‌له‌ی‌ له‌شكركێشی‌ كردنی‌ سوپای‌ توركیا بۆ ناو خاكی‌ هه‌رێمی‌ كوردستان بۆ راوه‌دونانی‌ چه‌كدارانی‌ په‌كه‌كه‌، ئاواره‌بوونی‌ هاووڵاتیان‌و كاره‌ساتێكی‌ گه‌وره‌ی‌ مرۆڤایه‌تی‌ لێده‌كه‌وێته‌وه‌،كه ئه وه ش له زه ره رزیاتر هیچ سودێكی لێ نا كه وێته وه بۆ توركیا و ناوچه كه.

گه لاوێژ:سه‌رچاوه‌یه‌ك له‌ سوپای ئێران ڕای گه یاند كه باڵونێكی سیخوری سوپای ئه‌مریكا له‌ دوری‌ 25 كیلومه‌تری شاری‌ ‌ خوره‌مشه‌هری‌ له باشوری‌ خۆرائاوای‌ ئَێران ده‌كه‌وێته‌ خواره‌وه‌ .
سه‌رچاوه‌یه‌ك له‌ سوپای ئێران كه‌ نه‌ویست ناوی خۆی ئاشكرا بكات له‌ لێدوانێكدا بۆ ئاژانسی هه‌واڵی جیهان ئاشكرایكرد: دوای ئه‌وه‌ی باڵوَنه‌كه‌ كه‌وتوه‌ته‌ خواره‌وه‌ هێزه‌كانی سوپای ئه‌و ولاَته‌ ده‌ستیان به‌ سه‌ردا گرتوه‌ ‌و لێكۆڵینه‌وه‌ش له‌ باره‌ی‌ و كه‌ل و په‌له‌كانی ناو باڵونه‌كه‌ ده‌ستیپێكردوه‌.
هه‌مان سه‌رچاوه‌ له‌ درێژه‌ی لێدوانه‌كه‌یدا وتی: رۆژی‌ دوو شه‌ممه‌ چوار فرۆكه‌ی سه‌ربازی ئه‌مریكا ئاسمانی‌ ئێرانیان به‌زاندوه‌ و به‌ سه‌ر شاری خۆره‌مشه‌هردا سوراونه‌ته‌وه‌.

گه لاوێژ:رۆژی دووشه‌ممه‌رابێرت گه‌یتس، له‌ بنیادێكی یه‌هودییه‌كاندا قسه‌ی ده‌كرد،له قسه كانی دا سه باره ت به به رنامه ئه تۆمیه كه ی كۆماری ئیسلامی وتی: بۆ به‌رنامه‌ی ناوكیی كۆماری ئیسلامی ئێران، خوازیاری زه‌ختی زۆرترو گه‌مارۆی توندتر دژی كۆماری ئیسلامی ئێرانه.

ئه‌و قسانه‌ی رابێرت گه‌یتس له‌ كاتێِكدا باس ده‌كرێت كه‌ "ئێهود باراك" وه‌زیری به‌رگریی ئیسراییل، به‌ سه‌ردانێك گه‌یشتۆته‌ واشینگتۆن تا له‌ باره‌ی پڕۆژه‌یه‌كی دوولایه‌نه‌ له‌مه‌ڕ "به‌رگرییی دژه‌ مووشه‌كی" له‌ گه‌ڵ به‌رپرسانس ئه‌مریكایی وتووێژ بكات.

مه‌به‌مست له‌و پرۆژه‌ به‌رگرییه‌ی ئه‌مریكاو ئیسراییل ئه وه یه،كه‌ پێش به م موشه كانه بگرن كه بۆ خاكی ئیسراییل ره‌وانه‌ ده‌كرێن، ئه‌و مووشه‌كانه‌ ـ به‌ پێی ئه‌م راپۆرته‌ ـ هه‌مان ئه‌و موشه‌كانه‌ن كه‌ له‌ بنكه‌ سه‌ربازییه‌كانی ئێران و سووریا دا بوونیان هه‌یه‌ كه ڕن نگه له داهاتوو دا ئیسراییل ته هدید بكات.

گه لاوێژ:هێزه سیاسیه كانی كوردستان، دژی هه‌ڕه‌شه‌کانی تورکیا بۆ هێرشکردنه‌ سه‌ر هه رێمی کوردستان، هه‌ڵوێست ده‌گرن.

دوازده‌ حیزبی کوردی له‌ لێدوانێکی فه‌رمیدا هه ڵوێستی خۆیان له به رامبه ر هه ره شه كانی توركیا بۆ سه ر باشووری كوردستان ده گرن و ده ڵێن، مه‌به‌ستی‌ سه‌ره‌كیی‌ ده‌وڵه‌تی‌ تورك پێشگیری‌ له‌ گه‌شه‌سه‌ندنی‌ ئه‌زموونی‌ كوردستانه‌"، لێدوانه‌کانی پێشووی ژه‌نه‌ڕاڵه‌کانی تورک، سه‌باره‌ت به‌ مه‌ترسیداربوونی حکوومه‌تی هه‌رێم بۆ سه‌ر ئاسایشی تورکیا، وه‌بیر دێننه‌وه‌و ئه‌مه‌ش به‌ هۆکاری سه‌ره‌کی هێرشی ئه‌رته‌شی تورک بۆ سه‌ر کوردستان ده‌زانن و مه حكومی ده كه ن.

هیزه كودییه كان پێیان وایه‌ که‌ "حكوومه‌تی‌ هه‌رێمی‌ كوردستان نه‌ ته‌نیا بۆ كورده‌كانی‌ كوردستانی‌ باشووره‌، به‌ڵكوو له‌ عێراقی‌ فیدراڵ‌دا زامنی‌ ئارامی‌و ئاشتییه‌" و ڕاشیده‌گه‌یه‌نن که‌ "حکوومه‌تی هه‌رێم ته‌نیا ده‌سکه‌وتی گه‌لی کورد نییه‌، به‌ڵکوو ده‌سکه‌وتی هه‌موو هێزه‌ ئاشتیخواز و ئازادیخوازه‌کانی ناوچه‌که‌یه‌."

هه ر وه ها وه‌بیری دێننه‌وه‌ که‌ "ده‌وڵه‌تی‌ تورك له‌و 25 ساڵانه‌ی‌ دوایی‌ دا، له‌ نێو كوردستانی‌ باشووردا، 24 جار عه‌مه‌لیاتی‌ نیزامی‌ به‌ڕێوه‌بردووه‌. به‌ڵام هیچ كات به‌ ئامانجه‌كانی‌ نه‌گه‌یشتووه‌‌و بێگومان ئه‌مجاریش پێی‌ ناگات. هێرشی‌ نیزامیی‌ توركیه‌ بارودۆخی‌ سیاسیی‌ ناوچه‌كه‌ ئاڵۆزتر ده‌كا، له‌ حالێكدا كه‌ ئه‌مڕۆ هه‌رێمی‌ رۆژهه‌ڵاتی‌ نێوه‌ڕاست پێویستیی‌ به‌ ئارامی‌‌و ئاسایشه‌ نه نا سه قامگیری كه بێگومان توركیا ده ی هه وێت ره و شه كه به ره و ئاڵۆزی زیاتر ببات

هێزه كوردستانیه كان داوا له‌ ئاشتیخوازانی تورکیا ده‌که‌ن که‌ دنگی خۆیان به‌ دژی شه‌ڕخوازیی ده‌وڵه‌تی تورکیه‌ به‌رز بکه‌نه‌وه‌ داواش له‌ پارتی كرێكارانی‌ كوردستان (PKK) ده‌كه‌ن كه‌ "گوێ‌ بدات به‌ بانگه‌وازی‌ سه‌رۆكی‌ هه‌رێمی‌ كوردستان، به‌ڕێز مه‌سعوود بارزانی‌‌و كارێك نه كات كه ببێته بیانو بۆ توركیا.

هێزه كوردستانیه كان بریتین له

حیزبی‌ دێموكراتی‌ كوردستانی‌ ئێران

پارتی‌ ئازادیی‌ كوردستان (PAK)
پارتی‌ سوسیالیستی‌ كوردستان (PSK)
سازمانی‌ خه‌باتی‌ كوردستانی‌ ئێران
پارتی‌ یه‌كیه‌تیی‌ كورد له‌ سووریا (Yekiti)
رێكه‌ڤتنی‌ دێموكراتی‌ كورد له‌ سووریا (Wefaq)
پارتی‌ پێشڤه‌ڕۆی‌ دێموكراتی‌ كورد له‌ سووریا
پارتی‌ دێموكراتی‌ كوردستان ـ باكوور PDKI– Bakur
پارتی‌ یه‌كیه‌تیی‌ دێموكراتی‌ كورد له‌ سووریا
پارتی‌ وڵاتپارێزانی‌ كوردستان (PWD)
پارتی‌ دێموكراتی‌ كورد له‌ سووریا (El Parti)
پارتی‌ ئازادی‌ كورد له‌ سووریا

گه لاوێژ: سه‌رۆكی‌ پێشووی‌ كۆماریخوازه‌كان له‌ كۆنگرێسی‌ ئه‌مریكا داوا ده‌كات ڕێكخراوی‌ موجاهدینی‌ خه‌لقی‌ ئێران له‌ لیستی‌ ڕێكخراوه‌ تیرۆرستیه‌كاندا بهێندرێته ده
له‌ چاوپێكه‌وتنێكدا كه پێشتر له‌گه‌ڵ ته‌له‌فزیۆنی‌ سی ئێن ئێن،سه‌رۆكی‌ پێشووی‌ كۆماریخوازه‌كان دیك ئارمی‌له‌ كۆنگرێسی‌ ئه‌مریكا له‌ ساڵی‌ 2003 ، ڕایگه‌یاند: شه ڕ تاكه‌ ڕێگایه‌ كه بۆ ڕوبه‌ڕوبوونه‌وه‌ی‌ ئێران و نساندنی ڕێكخراوی‌ موجاهدینی‌ خه‌لق وه‌ك تیرۆرست له لایه ن ئه مریكا كارێكی‌ هه‌ڵه‌یه‌، چونكه‌ ئه‌و ڕێكخراوه‌ ڕۆڵی‌ به‌چاوی‌ هه‌بوو له‌ ئاشكرا كردنی‌كاره خراپه‌كانی‌ ده‌سه‌لاتدارانی‌ كۆماری ئیسلامی و له‌ توانایدایه‌ ئازادی‌ بۆ گه‌لانی‌ ئێران فه‌راهه‌م بكات.
هه‌ر وه ها دیك ئارمی‌ داوای له‌ ئیداری‌ جۆرج بوش كرد كه به‌ سیاسه‌ته‌كانی‌ خۆیدا بچێته‌وه‌و ئێعتیمالی ئه وه دابنێن كه هه‌موو ڕێگاكان له‌به‌رده‌م یه‌كلایی كردنه‌وه‌ی‌ كێشه‌ی‌ ئێراندا كراوه یه و شه ریش به دژی كۆماری ئیسلامی باشترین ڕێگا جاره یه بۆ كۆتایی هێنان به هه موو گرفته كان.

گه لاوێژ:سوپاسالارى توركیا یه‌شار بویوك ئانێت، ڕه‌خنه‌ى له‌ وتنه كانی ئه‌م دوایه‌ى به‌رپرسانى وڵاته یه ك گرتوه كانی ئه‌مه‌ریكا گرت و رایگه‌یاند كه‌ په‌یوه‌ندى سه‌ربازى نێوان توركیا و ئه‌مه‌ریكا به‌هۆى كێشه‌ى قه‌تلوعامى ئه‌رمه‌نه‌وه‌ به ره و ئاڵۆزی ده ڕوات.
كه‌نالى سی ئێن ئێن تورك له‌ زارى بویوك ئانێت رایگه‌یاند ئانێت نێگه‌رانى خۆى له‌ هه‌مبه‌ر په‌سه‌ندكردنى بڕیارێكى ئه‌نجوومه‌نى نوینه‌رانى ئه‌مه‌ریكا رایگه‌یاند به‌وه‌ى كه‌ توركیا به‌رپرسیار بووه‌ له‌ قه‌تلوعامكردنى ئه‌رمه‌نه‌كان له‌سه‌رده‌مى جه‌نگى جیهانى یه‌كه‌مدا .

بویوك ئانێت له‌دریژى لێدوانه‌كیدا گوتیشى ئه‌مه‌ریكا به‌م بریاره‌ى گولله‌یه‌كى به‌ ئه‌ژنۆى خۆى ناوه‌ به‌مه‌ش په‌یوه‌ندى نێوان توركیا و ئه‌مه‌ریكا له‌رووى سه‌ربازییه‌وه‌ هیچ كاتێك به‌قه‌د ئێستا تێك نه‌چووه‌ ، بۆیه‌ ده‌خوازین ئه‌مه‌ریكا له‌و بریاره‌ى خۆى پاشگه‌ز ببێته‌وه‌، چونكه به م بڕیاره ی ئه نجوومه نی نوینه رانی ئه مریكا ئاڵۆزی زیاتر ده كه وێته نێوانی ئێمه و ئه وان.

پارێزگای ئیلام بوه‌ته‌ کوره‌ی ئاگر و نیزیک به‌ ته‌واوی شاخو به‌نده‌ن و لێره‌واره‌کانی ئه‌م پارێزگایه‌ بوه‌ته‌ خه‌ڵۆز. به‌ گوێره‌ی ئه‌و هه‌واڵانه‌ی که‌ له‌و پارێزگاوه گه‌یشتوون،

زۆربه‌ی شاخه‌کان به‌ شه‌وانه‌ وه‌ک بورکانی ئاگرن(آتشفشان)و توافچیه‌کانی ئێرانی که‌ له‌ قۆم و تارانه‌وه‌ سه‌فه‌ر ده‌که‌ن بۆ وڵاتی ئێراق، له‌ ڕێگادا داده‌به‌زن پێیان سه‌یره‌ که‌ ، لاو ناوچه‌یه‌ بورکان هه‌یه‌و ئه‌وان لێی بێخه‌به‌رن. بێخه‌به‌ر له‌وه‌ی که‌ ئه‌وه‌ سرۆشتی کوردستانه‌ که‌ ده‌بێته‌ قاقناقو هه‌موو گۆمانه‌کانیش سه‌باره‌ت به‌و ئاگر که‌وتنانه‌وه‌دا ڕوویان له‌ کاربه‌ده‌ستانی کۆماری ئیسلامیه، که خه‌رجی‌ سه‌فه‌ری ئه‌وان بۆ که‌ربه‌لا‌و نه‌جه‌ف دابین ده‌که‌ن. به‌ گوێره‌ی ئه‌و هه‌واڵانه‌ که‌ گه‌ێشتون، گه‌وره‌یی ئه‌و بێبه‌زه‌یه‌ هینده‌ زۆره‌ که‌ کاربه‌ده‌ستانی ناوچه‌ش ناتوانن بیشارنه‌وه‌ و له‌ چه‌ند دانێشتنیکدا باسیان له‌ سه‌ر کردوه‌، به‌ڵام هیچ هه‌نگاوێکی کارا بۆ پێشگیری کردنی هه‌ڵنه‌گیراوه‌. پاڕێزگاری ئیلام، عه‌لی مۆحه‌ممه‌د ئازاد له‌ مه‌ڕ ئه‌و کاره‌ساتانه‌دا، به‌ هه‌واڵده‌ری خوێندکارانی ئێران (ایسنا) ده‌ڵێ که‌ بودجه‌یکی یه‌ک بیلیونو پانسه‌دهه‌زار قه‌رانیان بۆ به‌ره‌وڕوو بوونه‌وه‌ی ئه‌و ڕووداوانه‌ پێ دراوه‌، که‌ هیواداره‌ بتوانێ به‌ره‌نگاری ئه‌و نه‌هامه‌تیه‌ سرۆشتیانه‌ بێته‌وه‌. پاڕێزگار قه‌ت له‌ خۆی ناپرسێ که‌ چۆنه‌ بۆ ڕاوه‌دۆنانی ته‌نیا خه‌باتکاریک، چوار هه‌زار هێزی پۆشته‌و په‌رداخی له‌شکری ده‌نێرێته‌ شاخه‌کان، به‌ڵام بۆ کوژاندنه‌وه‌ی ئاگر نه‌ هێزی هه‌یه‌و نه‌ش بودجه‌. خوێنه‌رانی به‌ڕێز: پارێزگای ئیلام 400 کیلومیتر سنوری هاوبه‌شی له‌ گه‌ڵ باشۆری کوردستانو وڵاتی عێراق هه‌یه‌و به‌شی زۆری پارێزگای ئیلام شاخاوی و لێره‌واره‌. له‌و ماوه‌ی چه‌ند هاوتوی ڕابردودا زیاتر له‌ 63 جار ئاگر که‌وته‌وه‌ته‌وه‌ و که‌ به‌م 63 جاره‌وه،‌ ژۆماره‌ی ئاگرکه‌وته‌وه‌کان له‌ شه‌ش مانگی ڕابردودا، گه‌ێشتوه‌ته‌91 جار. ئه‌مه‌ بۆ خۆی ئاسه‌وارێکی وای له‌ خۆی به‌ جێ هێشتوه‌ که‌ خه‌ڵکی ناوچه‌ وه‌کو کۆسێکی گه‌وره‌ ناوی لێ ده‌به‌ن. به‌ جۆریک که‌ به‌ر هه‌ر کوێکدا ده‌چی له‌گه‌ڵ بوبوسۆ، خۆڵه‌مێش، خه‌ڵۆزو ئاگر به‌ره‌وڕوو ده‌بیته‌وه‌. بێجگه‌ له‌وه‌ش زیانی وا گه‌وه‌ره‌ به‌ خه‌ڵکی ئه‌و پارێزگایه‌ که‌وتوه‌ که‌ قه‌ره‌بوکردنه‌وه‌ی بۆ نیه‌. چۆنکه‌ زۆربه‌ی خه‌ڵکی پارێزگای ئیلام به‌ جۆتیارو ئاژه‌ڵداریه‌وه‌ خه‌ریکن. ئه‌وان قشڵاخ و کوێستان ده‌که‌نو پێویستیان به‌ له‌وه‌ڕگه‌کان هه‌یه‌ تاکوو بتوانن ئاژه‌ڵه‌کانیان به‌خێو که‌نو خۆێانیش بژین. به‌سه‌رنجدان به‌و شێوه‌ ژیانو بژیویه‌ که‌ خه‌ڵکی ئه‌و پارێزگایه‌ی کوردستان هه‌یانه‌، ئه‌و ڕووداوانه‌ نه‌گ هه‌ر کۆسه‌، به‌ڵکوو کۆسه‌ڵکۆسیشه‌.
ئه‌گه‌ر چی ئه‌و خه‌ساره‌تانه‌ له‌ باری ئابووریه‌وه‌ به‌و‌ خه‌ڵکه‌ که‌وتوه‌‌ ئێگجار زۆرن، به‌ڵام هیچ له‌وه‌ ناشارێته‌وه‌ که‌ سرۆشتی ڕه‌نگینی پارێزگای ئیلامو سه‌روه‌تو سامانی نه‌ته‌وه‌یی گه‌له‌که‌شمان زه‌بریکی کاریگه‌ری وێ که‌وتوه‌ که‌ ده‌ێان ساڵی ده‌وێ تاکوو خۆی بگرێته‌وه‌. چۆنکه‌ کاتی ده‌وێ تاکوو دار به‌روه‌کان و مازۆه‌کانو گوێژه‌کان و که‌یکفه‌کان، زه‌یتونه‌کانو ....، جاریکی دیکه‌ بنیشنه‌ به‌رو له‌ سێبه‌ریان دانیشێ. شاخی مانشت که‌ یه‌کیک له‌ شاخه‌ به‌ هه‌یبه‌ته‌کانی کوردستانه‌و له‌ زۆر جاریش وه‌ک جوانیو پشتو په‌نای خه‌باتکارانی قۆناخه‌کانی ڕابردوو، ناوی له‌ شێعره‌کان، هه‌ڵبه‌ست، گورانیو فوڵکلوری کوردیه‌کاندا هاتوه به‌ره‌و وه‌ک ده‌واری ڕه‌شی لێ هاتوه‌.
هه‌ر له‌ شاخی مانشته‌وه‌ تاکوو مه‌یمک، له‌ کۆڵکه‌ه‌وه‌ تاکوو هه‌نجێرک، له‌ کوده‌شته‌وه‌ تا شیروانو چه‌رداوڵ، له‌ ده‌ڕه‌شاره‌وه‌ تاکوو ئاودانان، له‌ ئه‌ێوانه‌وه‌ تاکوو دێلۆڕان و مهران، له‌ گه‌نگێرونکۆڵه‌وه‌ تا مله‌ سیه‌و چه‌نگۆڵه‌، هه‌تاکوو ده‌گاته‌وه‌ شاخ و بناره‌کانی به‌ڵاڵه‌ ،کانی نزام، قه‌لاجه‌ و لۆتکه‌ی به‌ناو بانگی که‌چه‌ڵ، که‌ پارێزگای کرماشانو ئیلام لیک جیا ده‌کاته‌وه‌، ڕه‌شاییو دۆکه‌ڵو ئاگر ده‌بینی. ئه‌و دیمه‌نانه‌ مروڤ وه‌بیری ڕه‌شپوشیو ئازیه‌تیو که‌سه‌ری ئازیزمردوان ده‌خاته‌وه‌. منیش هه‌واڵه‌که‌ به‌ دوو دێڕ شێعر به‌ زاراوه‌ی کوردی که‌ڵهۆڕی، له‌ خه‌می سوتانی لێره‌واره‌کانی پارێزگاکانی کرماشانو ئیلام کۆتایی پێ دێنمو ده‌ڵێـم: تاکوو سیبه‌ری ڕه‌شی کۆماری ئیسلامی له‌ سه‌ر وڵاتی ئیمه‌ بمێنێ، به‌شمان ته‌نیا مه‌ینه‌ته‌و به‌س.
مانشتو مه‌یمک، ئه‌ێوانو گه‌نگێر به‌رگ سیه‌ پوشان ئه‌ڕا کوڕهه‌نجیر.
بێستونو په‌ڕاو وه‌گه‌رد هه‌مرۆڵه چه‌مه‌ری گه‌ردنن ئه‌ڕا چه‌نگۆڵه.
تێبینی: مانشت، مه‌یمک، ئێوان و چه‌نگۆڵه‌ چوار شاخو شاری به‌ناوبانگی پارێزگای ‌ئیلامن. هه‌روه‌ک هه‌مرۆڵه‌، په‌ڕاو، بێستون و کوڕهه‌نجیر، چوار شاخی به‌ ناوبانگی پارێزگای کرماشانن.

ئێقباڵ سه‌فاری ڕێکه‌وت 2007-10-13‌

سه رچاوه كوردستان و كورد

گه لاوێژ:وه‌زیری‌ ده‌ره‌وه‌ی‌ ئه‌مریكا خاتوو كۆندۆلیزا رایسبه‌ له‌چوارچێوه‌ی‌ گه‌شته‌كه‌یدا بۆ خۆرهه‌ڵاتی‌ ناوه‌راست به سه‌ردانێكی‌ ره‌سمی‌ گه‌یشته‌ ئیسرائیل.له‌ لێدوانێكیدا كۆندۆلیزا رایس ته‌ئكیدی‌ كرده‌وه‌،كه‌ ده‌ستگرتن به‌سه‌ر زه‌وی‌ زاری‌ فه‌له‌ستینیه‌كاندا به‌ شێوه‌یه‌كی‌ به‌رده‌وام ، پرۆسه‌ی‌ ئاشتی‌ له‌ خۆرهه‌ڵاتـی‌ ناوه‌راستدا ده‌خاته‌ مه‌ترسیه‌وه‌ و هه وله كان بۆ پڕۆسه كه وه دوا ده خات. هاوكات ئاماژه‌ی‌ به‌وه‌شدا كه‌ له‌گه‌ڵ به‌رپرسانی‌ ته‌لئه‌بیبدا كۆده‌بێته‌وه‌و هه‌وڵ ده‌دات هه‌ردوو لایه‌نی‌ ئیسرائیلی‌ و فه‌له‌ستینی‌ رازی‌ بكات تا له‌سه‌ر وتوێژه‌كانیان به‌رده‌وام بن بۆ ئه‌وه‌ی‌ بتوانن رێگا چاوره یه ك بدۆزنه وه كه كێشه كان له م ڕێگایه وه چاره سه ر بكرێن.

گه لاوێژ:بۆ جارێكی تریش كاژمێر 10:30 شه‌و 13/10 تۆپخانه‌كانی توركیا به‌ خه‌ستی سنووری "خواكورك" ی ناوچه‌ی برادۆستیان تۆپباران كردووه‌.
ئه م تۆپبارانكردنه‌ به شێوه یه كی زۆر توندتر‌ له‌ تۆپبارانكردنه‌كانی پێشتر كراوه كه ئه م شوێنانه كه وتونه ته به ر هێرشی تۆپ باران كردن، گونده‌كانی "ئه‌لموش، كه‌وره‌ت، بن دێوانه‌، سیران، سپیاره‌، شێخانۆك و موسلۆك" و به‌شێكی زۆری گونده‌كانی ئه‌و سنووره‌ی گرتۆته‌وه،به‌هۆی توندی تۆپبارانكردنه‌كه‌ به‌شێكی زۆری خه ڵكی گوندنشینه‌كان له‌ ترسی تۆپباران ماڵ و حاڵیان جێهێشتووه‌ و روویان كردۆته‌ ناوچه‌ ئارامه‌كانی سنووری ناحیه‌ی سیده‌كان.
له‌لایه‌كی دیكه‌وه‌ شه‌وی رابردوو 13/14-10 له‌نێوان كاژێر 11- 12 تۆپخانه‌كانی توركیا به‌ خه‌ستی ناوچه‌ سنوورییه‌كانی قه‌زای زاخۆیان تۆپبارانكردووه‌و ناوچه‌ی "مزوری و رێكان" و چیای "مه‌تین" و گونده‌كانی "كاره‌، بێتكار، سپیندار، تڕوانش، هه‌ڵوه‌ و كێرته‌" ی گرتۆته‌وه‌و به‌هۆی تۆپبارنكردنه‌كه‌وه‌ ئه‌و ناوچانه‌ زه‌ره‌رو زیانێكی ماددی زۆریان پێگه‌یشتووه‌و خه‌ڵكه‌كه‌شی بۆ پاراستنی گیانی خۆیان به‌ناچاری ماڵ و حاڵی خۆیان جێهێشتووه‌و روویانكردۆته‌ ناوچه‌ ئارامه‌كانی تری كوردستان.
تۆپارانكردنه‌كه‌ی ئه‌مجاره‌ی حكومه‌تی توركیا بۆ سه‌ر ناوچه‌كانی سنوورییه‌كانی كوردستان دوای ئه‌و هه‌ڕه‌شانه‌ دێت كه‌ خاكی كوردستان ببه‌زێنێت بۆ هێرشكردنه‌ سه‌ر بنكه‌و باره‌گاكانی په‌كه‌كه‌.

جێیگای باس كردنه وا بۆ چه ندمین جار به بێ ره چاوكردنی هیچ یاسایه ك حكومه تی فاشیستی توركه كان ناوچه كانی كوردستان تۆپباران ده كه ن.

گه لاوێژ:به‌رپرسی‌ په‌یوه‌ندییه‌كانی‌ ده‌ره‌وه‌ی‌ په‌كه‌كه‌ ڕۆژی شه‌ممه‌ ئه‌و هه‌واڵانه‌ی‌ ره‌تكرده‌وه‌ كه‌ گوایه‌ په‌كه‌كه‌ ده‌یه‌وێت هه‌رێمی‌ كوردستان به‌جێبهێڵێت رووبكاته‌ توركیا و ئاماژه‌ی‌ به‌وه‌شدا كه‌ هێزه كانی پكه كه هیچ كرده‌یه‌كی‌ سه‌ربازی‌ له‌ خاكی‌ هه‌رێمه‌وه‌ دژی‌ به حكومه تی توركیا ئه‌نجام ناده‌ن.
عه‌بدولره‌حمان چادرچی‌ به‌ ئاژانسی‌ هه‌واڵی‌ سه‌ربه‌خۆی‌ (ده‌نگه‌كانی‌ عێراق) ی‌ راگه‌یاند "توركه‌كان زۆر باش ئه‌وه‌ ده‌زانن ئه‌و چه‌كدرانه‌مان هێرش ده‌كه‌نه‌ سه‌ر ده‌وڵه‌تی‌ توركیا ئه م هێزانه له ناو خاكی‌ توركیادان، نه ك له ناو خاكی هه‌رێمی‌ كوردستان"
هاوكات چادرچی‌ ئه‌و هه‌واڵانه‌ی‌ ره‌تكرده‌وه‌ كه‌ گوایه‌ په‌كه‌كه‌ به‌نیازه‌ هه‌رێمی‌ كوردستان به‌جێبهێڵێت و رووبكاته‌ توركیا و وتی‌"ئه‌و زانیارییانه‌ راست نین و ئێمه‌ نیازمان نییه‌ عێراق به‌جێبهێڵین."
چادرچی‌ ئاماژه‌ی‌ به‌وه‌شدا ئه‌وه‌ی‌ توركیا بانگه‌شه‌ی‌ بۆ ده‌كات گوایه‌ په‌كه‌كه‌ له‌ ناو خاكی‌ هه‌رێمی‌ كوردستانه‌وه‌ هێرش ده‌كاته‌ سه‌ر توركیا "بێجگه‌ له‌ به‌هانه‌یه‌ك بۆ له‌ناوبردنی‌ ده‌ستكه‌وته‌كانی‌ هێرێمی كوردستان‌ و ده‌ستبه‌سه‌رداگرتنی‌ پارێزگای كه‌ركوك هیچی‌ تر نییه‌."
جێگای باسه كه ره‌جه‌ب ته‌یب ئه‌ردۆگان سه‌رۆك وه‌زیرانی‌ توركیا، پێنجشه‌ممه‌ی‌ رابردوو، ئاماده‌یی حكومه ته كه ی نیشاندا بۆ رووبه‌رووبوونه‌وه‌ی هه‌ر ره‌خنه‌یه‌كی نێوده‌وڵه‌تی كه‌ به‌هۆی‌ به زاندنی سنوره كانی‌ هه رێمی كوردستان ئاراسته‌ی‌ توركیا بكرێت بۆ ئه‌نجامدانی‌ كرده‌یه‌كی‌ سه‌ربازی دژی‌ به هێزه كانی په‌كه‌كه‌.

‌

به‌رپرسێكی‌ سه‌ربازی‌ سوپای‌ ئه‌مریكا پێشبینی‌ ئه‌وه‌ ده‌كات كه‌ سوپای‌ توركیا له‌ رێی‌ ئاسمانییه‌وه‌ هێرش بكاته‌ سه‌ر خاكی‌ هه‌رێمی‌ كوردستان.
به‌ پێی‌ هه‌واڵێكی‌ ئێن تی‌ ڤی‌ ئه‌و به‌رپرسه‌ سه‌ربازییه‌ی‌ ئه‌مریكا كه‌ نه‌یویستوه‌ ناوی‌ ئاشكرا بكرێت وتویه‌تی‌: له‌ حاڵی‌ حازردا 60 هه‌زار سه‌ربازی‌ سوپای‌ تورك له‌سه‌ر سنوره‌كانی‌ ئه‌و وڵاته‌ له‌گه‌ڵ هه‌رێمی‌ كوردستاندا جێگیركراون ، به‌ڵام هیچ ئاماژه‌یه‌ك له‌به‌رده‌ستدا نییه‌ كه‌ سوپای‌ توركیا خوازیاری‌ ئه‌وه‌ بێت له‌ رێی‌ زه‌مینی‌ یه‌وه‌ سه‌ربازه‌كانی‌ ره‌وانه‌ی‌ ناو خاكی‌ هه‌رێمی‌ كوردستان بكات.
به‌ پێی‌ هه‌واڵه‌كه‌ ئه‌و به‌رپرسه‌ سه‌ربازییه‌ی‌ ئه‌مریكا باسی‌ ئه‌وه‌شی‌ كردوه‌ كه‌ مومكینه‌ توركیا به‌رده‌وام بێت له‌ تۆپبارانكردنی‌ هه‌رێمی‌ كوردستان و هیوایشی‌ خواستووه‌ كه‌ به‌رله‌وه‌ی‌ سوپای‌ توركیا هێرش بكاته‌ سه‌ر خاكی‌ هه‌رێمی‌ كوردستان به‌رپرسانی‌ ئه‌نقه‌ره‌ حكومه‌تی‌ ئه‌مریكا ئاگادار بكه‌نه‌وه‌.

سەرچاوه ڕادێۆ نه وا

"هیوا بوتیمار" چالاكی مه‌دنی و "عه‌دنان حه‌سه‌ن پوور" رۆژنامه‌نووسی كورد خه‌ڵاتی رۆژنامه‌نووسیی ئازادی ئیتالیایان به‌ ده‌ست هێنا و بڕیاره‌ له‌ رۆژی 30 نوڤه‌مبری داهاتوو له‌ به‌رده‌م شاره‌وانی "سییه‌نا" سه‌ر به‌ویلایه‌تی "توسكانی" ئه‌و وڵاته‌ پێشكه‌ش به‌ بنه‌ماڵه‌ی ناوبراوان بكرێ.

خه‌ڵاتی رۆژنامه‌نووسیی ئازاد كه‌ ساڵانه‌ له‌ لایه‌ن ناوه‌ندی ناحوكوومیی "گواستنه‌وه‌ی زانیاری و پاراستنی گیانی په‌یامنێران" ی ئیتالیا، پێشكه‌ش به‌و رۆژنامه‌نووسانه‌ ده‌كرێ كه‌ قه‌له‌مه‌كه‌یان له‌ رێگای ئازادیدا به‌كاردێنن. ساڵی 2005 ناوه‌ندی ناوبراو خه‌ڵاتی ساڵانه‌ی خۆی پێشكه‌ش به‌ "ئه‌كبه‌ر گه‌نجی" رۆژنامه‌نووسی ئێران كردبوو.

عه‌دنا حه‌سه‌ن پوور و هیوا بوتیمار دوو چالاكی كوردی رۆژهه‌ڵاتی كوردستان كه‌ له‌ لایه‌ن دادگای شاری سنه‌وه‌ به‌ سزای سێداره‌ مه‌حكووم كراون و ئێستا له‌ زیندانی گشتی شاری سنه‌ ده‌ستبه‌سه‌رن و وه‌ك بنه‌ماڵه‌كه‌یان له‌ به‌یاننامه‌ێكدا پێشتر بڵاویان كردبۆوه‌ له‌ بارودۆخێكی ناڵه‌باردا ده‌ژین به‌ شێوه‌یه‌ك كه‌ له‌ سه‌ره‌تایی ترین ماڤه‌كانی خۆیان بێٍ به‌هره‌ كراون.

سه رچاوه خۆرهه ڵات نێوز

سه‌رۆكی باڵای دادگای فێدراڵی ئه‌ڵمانیا ئاشكرای كرد كه‌ "كازم دارابی"ی تاونبار، كه‌ رۆڵی سه‌ره‌كیی هه‌بووه‌ له‌ تیرۆری د. "سادق شه‌ره‌فكه‌ندی" سكرتێری حیزبی دیمۆكراتی ئێران، كه‌وا نزیكه‌ی 15 ساڵه‌ له‌لایه‌ن وڵاته‌كه‌یه‌وه‌ زیندانی كراوه‌، ئازاد ده‌كرێ.

"فرانك ڤالتینا" له‌ كۆنگره‌یه‌كی رۆژنامه‌وانیدا رایگه‌یاند:" برَیاره‌ سه‌ره‌تای مانگی دسامبر، كازم دارابی له‌ زیندان ئازاد بكرێ. به‌ پێی یاسایی ئه‌ڵمانیا، بڕیاری زیندانیی هه‌تاهه‌تایی ناوبراو، دوای 15 ساڵ تێپه‌ڕبوون به‌سه‌ر سزاكه‌ی، پێداچوونه‌وه‌ی له‌ سه‌ر ده‌كرێ و له‌مه‌ڕ ئازادكردنی ناوبراو برَیاری كۆتایی ده‌رده‌كرێ.

كازم دارابی، له‌ لایه‌ن دادگای باڵای فێدراڵی ئه‌ڵمانیا، به‌ تاوه‌نباری سه‌ره‌كیی كاره‌ساتی تیرۆری د. شه‌فكه‌ندی و چوار كه‌س له‌ هاوڕێه‌كانی له‌ ریستۆرانی میكۆنسی شاری به‌رلین، له‌ پاییزی ساڵی 1992 ناسراوه‌ و بڕیاری زیندانیی هه‌تاهه‌تایی به‌سه‌ردا سپێندراوه‌ و به‌ پێی لێكۆڵینه‌وه‌كانی ئه‌وكاتی پۆلیسی فێدراڵ، ئاشكرا بووه‌ كه‌ پیلانی تیرۆری سكرتێری گشتی حیزبی دیمۆكراتی كوردستانی ئێران و چوار له‌ هاوڕیه‌كانی، له‌ ماڵه‌كه‌ی ئه‌ودا ئاماده‌كراوه‌.

سه رچاوه خۆرهه ڵات نێوز

بانكی ناوه‌ندیی ئێران له‌ راپۆرتێكدا بڵاوی كرده‌وه‌ كه‌ ئاستی هه‌ڵاوسان به‌ به‌راوه‌رد له‌ گه‌ڵ سه‌ره‌تای ساڵی 1386 هه‌تاوی له‌و وڵاته‌ به‌ رێژه‌ی 15/8% به‌رزبووته‌وه‌.

له‌ راپۆرته‌كه‌دا هاتووه‌ كه‌ له‌ ماوه‌ی 12 مانگی رابردوودا رێژه‌ی هه‌ڵاوه‌سان به‌ به‌راوه‌رد له‌ گه‌ڵ ساڵانی رابردو به‌رده‌وام رووی له‌ به‌رزبوونه‌وه‌ كردووه‌ و مانگانه‌ی رێژه‌یه‌كی زۆرتری هه‌ڵاوسان به‌ به‌راوه‌رد له‌ گه‌ڵ مانگی پێشووتر له‌ ئێراندا له‌ ئارادایه‌.

پرۆسه‌ی به‌رزبوونه‌وه‌ی هه‌ڵاوسان له‌ ئێران ئه‌وه‌ ده‌رده‌خات كه‌ له‌ ماوه‌ی 12 مانگی رابردوودا مانگ به‌ مانگ ئه‌و رێژه‌ی‌ به‌رزتر بۆته‌وه‌ و ده‌وڵه‌تی" ئه‌حمه‌دی نه‌ژاد" توانایی ئه‌وه‌ی نه‌بووه‌ كه‌ ئه‌و رێژه‌یه‌ كه‌م بكاته‌وه‌ و ئه‌وه‌ش به‌هۆی سیاسه‌ته‌ هه‌ڵه‌كانی كابینه‌ی ناوبراو بووه‌ كه‌ له‌ ماوه‌ی دوو ساڵی رابردوودا په‌یڕه‌وی كردووه‌.

ئه‌حمه‌دی نه‌ژاد به‌رده‌وام ره‌خنه‌ له‌ سیاسه‌ته‌كانی هه‌شت ساڵ سه‌ركۆماریی "محه‌مه‌د خاته‌می" ده‌گرێ و ده‌ڵێ:" رێژه‌ی هه‌ڵاوه‌سان له‌ سه‌رده‌می خاته‌مه‌ی دا گه‌یشوته‌ 15% و به‌رده‌وام باس له‌ شانازییه‌كانی خۆی ده‌كا كه‌ ئه‌و رێژه‌ی گه‌یاندوته‌ 12% واته‌ 3% كه‌متر بووته‌وه‌".

ئه‌وه‌ش له‌ كاتێكدا دوای شۆڕشی ئێران له‌ ساڵی 1979 تا ئێستا به‌رده‌وام ئه‌و وڵاته‌ رووبه‌ڕووی به‌ربوونه‌وه‌ی رێژه‌ی هه‌ڵاوسان بووه‌ به‌ شێوه‌یه‌ك له‌وماوه‌یه‌دا رێژه‌ی هه‌ڵاوه‌سان گه‌ێشته‌ته‌ 20%.

سه رچاوه خۆرهه ڵات نێوز

گه لاوێژ:دوێنێ له‌ شاری سنه یاسر گوڵی به‌رپرسی پێشووی یه‌كیه‌تیی دێموكراتی خوێندكارانی كورد له‌ به‌رده‌م زانكۆی ئازادی ئه‌و شاره‌ ده‌ستگیر كرا.

دوای ئه‌وه‌ی كه‌ یاسر گوڵی له‌ به‌رده‌م زانكۆی سنه‌ ده‌ستگیر كرا، هێزه‌ ئه‌منییه‌كانی رێژیمی كۆماری ئیسلامی رژانه‌ ماڵی یاسر گوڵی و دوای پشكنینی ته‌واو ی ماله یه یان و كۆمپیوته‌ر و ده‌فته‌ری نووسراه‌كانیان هه‌ڵگرتووه‌ له‌ گه‌ڵ خۆیان بردووه‌.

بنه‌ماڵه‌ی یاسر گوڵی نیگه‌رانیی خۆیان له‌ گرتنی كوڕه‌كه‌یان ده‌ربڕیوه‌ به‌ تایبه‌ت كه‌ ده‌زانن كوڕه‌كه‌یان نه‌خۆشی دڵی هه‌یه‌.

تا ئێستا هیچ ئادارییه له شوێنی گیرانی ناو براو نییه.

شایانی باسه‌، یاسر گوڵی ساڵی ڕابردوش به‌ تاوانی جمو جۆڵ دژی ئاسایشی نه‌ته‌وه‌یی بۆ ماوه‌یه‌ك له‌ لایه‌ن ئیتلاعاتی سنه‌وه‌ ده‌ست به‌ سه‌ر كرابوو.

گه لاوێژ:

نووسه‌ر و رووناكبیری گه‌وره‌ی كوردستان "محه‌ممه‌د ئۆزون"ئه‌مڕۆ له‌ نه‌خۆشخانه‌ی شاری دیاربه‌كری باكووری كوردستان كۆچی دوایی كرد.

نوسه ری گه وره ی گه له كه مان له پاش سالێك نه‌خۆشیی شێر په‌نجه‌، له پاش به ربه ره كانییه كی زۆر ئه مڕۆ سه ر له به یانی كاتژمێر"11:5 خوله‌ك به دا خه وه كۆچی دوایی كرد.

محه‌ممه‌د ئوزون ساڵی 1953 له‌ گوندی سه‌یرگه‌ چاوی به‌ دونیا هه‌ڵێنا. هه‌ر له‌ گوندی سوێرگه‌ خوێندنی تا قۆناغی ئاماده‌یی ته‌واو كرد.هه‌ر له‌ سه‌رده‌می لاوێتییه‌وه‌ له‌ ریزی هه‌ره‌ پێشه‌وه‌ی نیشتمانپه‌روه‌رانی كورد دابوو.

محه‌مه‌د ئوزوون، که‌ نووسه‌ری چه‌ند ڕۆمان و لێکۆڵینه‌وه‌ی ئه‌ده‌بی و زمانه‌وانییه‌، یه‌کێک له‌و نووسه‌رانه‌یه‌ که‌ به‌رهه‌مه‌کانی به‌ چه‌ند زمانێکی بێگانه‌ وه‌رگێڕدراون. ناوبراو پێشتر له‌ وڵاتی سوێد ده‌ژیا و ئه‌ندامێکی چالاکی "په‌ن" و یه‌کیه‌تی نووسه‌رانی سوێد بوو و ساڵی 2001یش خه‌ڵاتی سوێدی Torgny Segerstedtی وه‌رگرت. ئوزوون ساڵی ڕابردوو، به‌هۆی نه‌خۆشیی شێرپه‌نجه‌ گه‌ڕایه‌وه‌ باکووری کوردستان و وه‌ک خۆی ئاماژه‌ی پێدابوو، "ده‌یه‌ویست له‌ سه‌ر خاکی خۆی و له‌ناو هاونیشتمانانی خۆیدا بمرێت".

چالاكییه‌ نیشتمانپه‌روه‌رانه‌كانی بووه‌ هۆی ئه‌وه‌ی كه‌ 12ی خاكه‌لێوه‌ی ساڵی 1971 له‌ شاری دیاربه‌كری باكووری كوردستان له‌ گه‌ڵ چه‌ند نیشتمانپه‌روه‌رێكی دیكه‌ی كوردستان له‌ لایه‌ن هێزه‌كانی رێژیمی توركیاوه‌ ره‌وانه‌ی به‌ندیخانه‌ بكرێ. ساڵی 1974 و به‌ ده‌رچوونی بڕیاری عه‌فوویه‌كی گشتی محه‌ممه‌د ئوزونیش ئازاد بوو. ئه‌و هه‌ر دوای ئازادییه‌كه‌ی به‌رپرسیاریه‌تی گۆڤارێك به‌ ناوی رزگاری وه‌ ئه‌ستۆ گرت.ساڵی 1977 ناچار ده‌بێ وڵات به‌ جێ بێڵێ و روو ده‌كاته‌ وڵاتی سوید و هه‌ر له‌و وڵاته‌ گۆڤارێكی به‌ ناوی رزگاریی كوردستان ده‌رده‌كرد.

خه ڵاته كانی بریتین

خه‌ڵاتی ئازادی قه‌ڵه‌م، ئه‌نستیتۆی بێرلین

خه‌ڵاتی ئازادی و رامان، ئه‌ده‌بیات

خه‌ڵاتی ستینا ئێریك

خه‌ڵاتی یه‌كیه‌تیی وه‌شێنه‌رانی توركیا

خه‌ڵاتی رێزلێنان له‌ لایه‌ن ئاكادێمی سوید

ساڵی 2005یش خه‌ڵاتی رێزلێنانی له‌ كوردستانی فێدراڵ وه‌رگرت.

به‌رهه‌مه‌كانی نوسه ر

- TU (Sen), Roman, 1985;

- Mirina Kalekî Rind (güzel bir Yaşlinin'in Ölümü), Roman, 1987;

- Siya Evînê (Yitik Bir Aşkın Gölgesinde), Roman, 1989;

- Rojek ji Rojên Evdalê Zeynikê (Evdalê Zeynikê'nin Günlerinden Bir Gün), Roman, 1991;

- Destpêka Edebiyata Kurdî (Kürt Edebiyatına Giriş), İnceleme, 1992;

- Hêz û Bedewiya Pênûsê (Kalemin Gücü ve Görkemi), Denemeler, 1993;

- Mirina Egîdekî (Bir Yiğidin Destanı), Destan-Ağıt, 1993;

- Världen i Sverige (Tüm Dünya İsveç'te), Edebiyat Antolojisi, M. Grive ile Birlikte, 1995;

- Antolojiya Edebiyata Kurdî (Kürt Edebiyat Antolojisi), Antoloji, du cilt, 1995;

- Bîra Qederê (Kader Kuyusu), Roman, 1995;

- Nar Çiçekleri, ese (tecrube- deneme), 1996;

- Ziman û Roman (Dil ve Roman), hevpeyivîn, 1997;

- Bir Dil Yaratmak, Söyleşiler, 1997;

- Dengbêjlerim, Deneme, 1998;

- Ronî Mîna Evînê - Tarî Mîna Mirinê (Aşk Gibi Aydınlık Ölüm Gibi Karanlık), Roman, 1998;

- Zincirlenmiş Zamanlar Zincirlenmiş Sözcükler, Deneme, 2002;

- Hawara Dîcleyê/Dicle'nin Sesi I - Hawara Dîcleyê (Dicle'nin Yakarışı), Roman, 2002;

- Hawara Dîcleyê/Diclenin Sesi II - Dicle'nin Sürgünleri, Roman, 2003. -

Ruhun Gökkuşağı,Roman,2005